ياللي تنشدني عن آخر قصيدي=ابشر ترى ابا اعطيك كل العلومي
بالمنتدى طالع وتلقى جديدي=ابياتٍ اكتبها تبعد همومي
امدح بها اهل الطيب دايم واجيدي=مدح الرجال الطيبين القرومي
اللي بشوفتهم من ايام عيدي=وعنهم رجل واحد يسد اللزومي
وانصح بها الجاهل واذكر واعيدي=حتى يتبين ذكرها للعمومي
نصايحٍ فيها الكلام المفيدي=مابي بها شهره وحظٍ يقومي
ارجو من المعبود رب العبيدي=ثوابها يوم القيامه تقومي
وآصف بها وصفٍ عسيرٍ عنيدي=الا على قيفان شعري يرومي
وصف الحيا والجيب لو هو حديدي=يشفي غليلي ثم يقوي عزومي
والبل لها بشعري مجالٍ بعيدي=في وصفها ياناس لاحدٍ يلومي
واطرق بها باب الغزل واستفيدي=من تجربة محسن وابو زيد دومي
من بينا ماجت رسايل بريدي=والاكلامٍ رددوه الرخومي
هذي نماذج من قصيد الفريدي=افخر بها لا رددوها العمومي
لمنتدى ربعي كتبنا الجديدي=اهل الوفا والطيب واهل السلومي