![]() |
قصيدة للشاعر / رشيد الفريدي
ياقلب لو دمّك من الوقـت محـروق = لاتقول انا مالي على الصبـر طاقـه لو شب في صدري براكيـن وبـروق = ولو كان طعـم الصبـر مـرٍ مذاقـه بدرا..زعل من له مشاريه وحقـوق = مـن نايـد الأجنـاب ولاّ الرفـاقـه وإن جاك ابو وجهين في علم ماثـوق = من شـان حاقـد لاتبيـع الصداقـه بعض العرب عايش على الشم والذوق = وإن شح كف الوقـت ماسـد فاقـه الآدمـي مظهـر ومخبـر ومنطـوق = وعن غيـب مكنونـه يدلّـك نطاقـه والطيب له منهج وله ساس وعروق = والعـود الازرق ميزتـه باحتـراقـه ولاّ الردي كنّه على الوجه مصفـوق = يبـور بالميقـاف ..خطـو العلاقـه راس الردي في حبل الأيـام مشنـوق = ولا للردي مـع ذود الأجـواد ناقـه وترى الكمأ يلقاه من شاف رقـروق = والحسـد داب لـه ملامـس رقاقـه ولاهو صحيح إن كل مطرود ملحـوق = ولاكـل منهـو صـد قطّـاع ساقـه كم واحدٍ قلبـه مـن الهـم مفتـوق = وسره عن الحسـاد محكـم وثاقـه والناس في تفكيرهـا بينهـا فـروق = ويبقـى التشابـه بالإسـم والبطاقـه |
مشاركة: قصيدة للشاعر / رشيد الفريدي انشهد والله صادق صح السانه وبيض الله وجهك ابيات من درر |
مشاركة: قصيدة للشاعر / رشيد الفريدي صح لسانك يا بن منيديل و لسان رشيد الفريدي و الشاعر رشيد الفريدي غني عن التعريف لكن من أي الفردة هو ؟ |
مشاركة: قصيدة للشاعر / رشيد الفريدي صح لسان الشاعر المبدع دائما ابو عبدالاله ومشكور اخوي ابن منيديل على نقل هذه القصيدة ونرجوا ان تتحفنا بجديده دمت لنا |
رد: قصيدة للشاعر / رشيد الفريدي صح لسان الشاعر رشيد اختيار جميل اخي ابن منيديل الله يبارك فيك |
رد: قصيدة للشاعر / رشيد الفريدي كم واحدٍ قلبـه مـن الهـم مفتـوق وسره عـن الحسـاد محكـم وثاقـه صح لسان ابو عبدالاله .. ولاهنت يابن منديل على النقل .. |
رد: قصيدة للشاعر / رشيد الفريدي الله يعطيك العافيه يا ابن منيديل على النقل ................... وصح لسان الشاعر ابوعبدالاله وهو غني عن التعريف....... |
رد: قصيدة للشاعر / رشيد الفريدي قصيدة قوية وصادقه ورائعة واحسنت الأختيار وصح لسان الشاعر الكبير ابو عبد الااله نازف الحرف |
رد: قصيدة للشاعر / رشيد الفريدي صح لسانك ابو عبد الاله 000 الشكر وصول لان منيديل 000 |
رد: قصيدة للشاعر / رشيد الفريدي رااااائعه صح لسان الشاعر بارك الله فيك |
الساعة الآن 04:19 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir