مجالس الفرده - قصيدة الشاعر ضيف الله مطرب الفريدي

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - قصيدة الشاعر ضيف الله مطرب الفريدي (http://www.alfredah.net/forum/threads/alfredah560/)

قصيدة الشاعر ضيف الله مطرب الفريدي

ابيات للشاعر /ضيف الله بن مطرب الفريد الشاعر المشهور عند الفرده-الاعيرج-

يمدح فيها الشيخ هندي بن ناهس الذويبي واخاه الشيخ فيحان الذويبي المتوفي بشهر شوال عام 1374


	بديت ذكر الله على ذكر النشيد=منشي الغيوم وعازل ٍ ربانها يا راكب ٍ حمرا تشوّد بالفديد=مزعاج تجزع عند مس بطانها ركابها قرم العيال اللي وليد=يقرا الحروف وعارف عنوانها ملفاك هندي شوق من تزها الجديد=من ساس خيل مايكم حصانها ونعم بذوي فاجر منزحة الضديد=ما اسبهم والله عليم بشانها وفيحان حر ٍ من تحنس به يصيد=هدت حرار ٍ صفقت جنحانها من فود مخلابه يفيد ويستفيد=ماهو خراص مير شوف اعيانها ويكسّب الادنى وعينه للبعيد=ويفرّح اللي يحتري باركانها عقب ٍ لابوه معقّبه مثل وليد=ان كان صفر الخيل جا ميدانها الله يسدد به لنا ايام العيد=عسى القدر يبطي عنه باحيانها

(روايه ندا بن فرحان البحيثي الفريدي رحمه الله )

مشاركة: قصيدة الشاعر ضيف الله مطرب الفريدي

اقتباس:

بديت ذكر الله على ذكـر النشيـد
ـــ منشـي الغيـوم وعـازل ربانهـا

يا راكب حمـرا تشـود بالفديـد
ـــ مزعاج تجزع عند مـس بطانهـا

ركابها قـرم العيـال اللـي وليـد
ـــ يقرا الحروف وعـارف عنوانهـا

(بنت ابن حماد)

تسلم الانامل ا نتقاء واختيار رائع

اقتباس:

ابيات للشاعر ضيف الله بن مطرب الفريد من الفردة يمدح فيها الشيخ هندي بن ناهس الذويبي واخاه الشيخ فيحان الذويبي

مايمدح الا من هو أهل للمدح والف نعم بهم وبكي

كل الاحترام والتقدير.................................. @

مشاركة: قصيدة الشاعر ضيف الله مطرب الفريدي

الله يرحمهم جميعاا

وشكرا لك

تحياتي

مشاركة: قصيدة الشاعر ضيف الله مطرب الفريدي

[frame="2 80"][size=4][font=Arial Black]بنت ابن حماد

الله يعطيك العافية وسلمت يداك لمنتداك[/font][/size][/frame]

مشاركة: قصيدة الشاعر ضيف الله مطرب الفريدي

[size=4]بنت ابن حماد

الله يعطيك العافية وسلمت يداك لمنتداك[/size]

مشاركة: قصيدة الشاعر ضيف الله مطرب الفريدي

[align=center]ونعم فيهم والله يرحمهم
ويعطيك العافية اختي على هذه المشاركة
الشاااامخ1[/align]

مشاركة: قصيدة الشاعر ضيف الله مطرب الفريدي

ونعم الاختيار بنت ابن حماد

كل الشكر والتقدير على روائعك المتوالية

ورحمة الله عليهم كلهم المادح والممدوح والراوي

رد: قصيدة الشاعر ضيف الله مطرب الفريدي

قصيدة رائعة وفيها من الوفاء الشي الكثير

رد: قصيدة الشاعر ضيف الله مطرب الفريدي

روايه ندا بن فرحان البحيثي الفريدي رحمه الله )

الله يرحم الراوية نداء البحيثي ما احد أخذ عنه او كتبت بعض من المعلومات والقصيد التي يجيدها بجداره حقيقة انه كنز فقدناه الله يبدل سيئاته حسنات ويعفو عنه

فريديه شكراً ابيات جميله