يابو( هبه ) وضّح حروف الطباعه=خل المعاني تستقيم بسنعها
لعل قلبك ماتجيه الاشاعه=وعسى عيونك ماتشكّى وجعها
تراك عندي من خيار الجماعه=لو أنت من ناسٍ بعيد نجعها
لاتنتقدني يوم أجي كل ساعه=النفس ماتصبر بليا ولعها
خلك وديع اليا عطيت الوداعه=الناس كشف أسرارها ما رفعها
عز الله انك حر ما أنت برعاعه=واميزٍ نفسك حلاوة ورعها
أمّجدٍ ( مجدي ) فعايل ذراعه=يقطع رجالٍ فعلها ما نفعها
عنده تفوق بالذكاء والبراعه=ذربٍ حميدات المزايا جمعها
يامجدي اكتب لي بيوتٍ مذاعه=عجّل ترا نفسي سريعٍ جزعها
الله من غيضٍ سريع اندفاعه=من غلطةٍ هراجها مامنعها
ان جيت ابينها طويلٍ نزاعه=وان جيت ابخفيها خبيثٍ وجعها
ولو اعتزي ماهي بقد الشجاعه=وينقد علي العارفه لاسمعها
مع النشاما ناقصٍ وزن صاعه=همه عروض الغافلين ابتلعها
عساه بالدنيا سريع امزاعه=سود الليالي تبتليه بشنعها
وبالاخره ياعل ماله شفاعه=ساعة حضور الخلق في مجتمعها
ياناصر المظلوم وانته دفاعه=يا راعي الفزعات عجّل فزعها
كثير ناس اليوم عدوان قاعه=الحسحسه والكذب هاذي سلعها
تبلش بهم لو انت راعي وقاعه=ترمي على ريح النميمه ذرعها
ومن صار به خوفٍ من الله وطاعه=طبيعته ماتجتمع مع طبعها
والعبد بالدنيا حياته زراعه=وكلٍ يحصد الحبه اللي زرعها

يابو( هبه ) وضّح حروف الطباعه=خـل المعانـي تستقيـم بسنعهـا
لعـل قلبـك ماتجيـه الاشـاعـه=وعسى عيونك ماتشكّـى وجعهـا
تراك عندي من خيـار الجماعـه=لو أنت من نـاسٍ بعيـد نجعهـا
لاتنتقدني يوم أجـي كـل ساعـه=النفـس ماتصبـر بليـا ولعهـا
خلك وديع اليا عطيـت الوداعـه=الناس كشف أسرارها مـا رفعهـا
عز الله انك حر ما أنـت برعاعـه=واميـزٍ نفسـك حـلاوة ورعهـا
أمّجدٍ ( مجـدي ) فعايـل ذراعـه=يقطع رجـالٍ فعلهـا مـا نفعهـا
عنده تفـوق بالذكـاء والبراعـه=ذربٍ حميـدات المزايـا جمعهـا
يامجدي اكتب لي بيـوتٍ مذاعـه=عجّل ترا نفسي سريـعٍ جزعهـا
الله من غيـضٍ سريـع اندفاعـه=مـن غلطـةٍ هراجهـا مامنعهـا
ان جيت ابينهـا طويـلٍ نزاعـه=وان جيت ابخفيها خبيثٍ وجعهـا
ولو اعتزي ماهي بقـد الشجاعـه=وينقـد علـي العارفـه لاسمعهـا
مع النشاما ناقـصٍ وزن صاعـه=همه عـروض الغافليـن ابتلعهـا
عسـاه بالدنيـا سريـع امزاعـه=سـود الليالـي تبتليـه بشنعهـا
وبالاخـره ياعـل مالـه شفاعـه=ساعة حضور الخلق في مجتمعها
ياناصر المظلـوم وانتـه دفاعـه=يا راعي الفزعات عجّـل فزعهـا
كثير ناس اليـوم عـدوان قاعـه=الحسحسه والكذب هـاذي سلعهـا
تبلش بهم لو انت راعـي وقاعـه=ترمي على ريح النميمـه ذرعهـا
ومن صار به خوفٍ من الله وطاعه=طبيعتـه ماتجتمـع مـع طبعهـا
والعبـد بالدنيـا حياتـه زراعـه=وكلٍ يحصد الحبه اللـي زرعهـا