يابو حمد جبت البيوت الجزالي=متسلسله والبيت وافي ومليان
سقت المعاني مثل سوق الدلالي=وقهويت لك راسً على الشعر ضرمان
زودً علي سمعتكّ شاعر مثالي=معروف لك بالشعر مبدى وعنوان
يثني عليك الاجنبي والموالي=ولا يجتمع بالناس زورٍ وبهتان
وابو فهد صالح رقى بالمعالي=في خدمة بلاده على كل ميدان
لولاه ماجا للقصايد مجالي=وراحت مع العالم لها روح ولسان
يسمي الطيب عزيزٍ وغالي=في منهجه كل النشاما له اخوان
ياعيال راشد محتمين التوالي=يامكرمين الضيف ذربين الايمان
فيكم تفاخر حرب باول وتالي=انتم سندنا لا رقص كل شيطان
مايظلم العاقل قروم العيالي=ولا يمدح الطيب قليلين الاحسان
واللي على السنه وسلم الرجالي=تثني عليه الناس في كل الاحيان
تستاهلون المدح مابه جدالي=العلم غانم والرياجيل برهان
في مدحكم والله لوصي عيالي=هذي وصيه واستلمها ياسلمان