ياقلب مال الحزن والله العظيم=في مجمل ايامك وقاموسك سنع
في ساعة الشدات لك ربٍ كريم=لعظم شانه كل مادونه خضع
مادامك انت بعافيه وانا سليم=من صد مالك فيه ياقلبي طمع
ياصاحبٍ فلّابه ابليس الرجيم=يالين شاله عن مدى الارض وشلع
كثر التجارب خلت الشايب حكيم=مار الضريبه عمره اللي مارجع
قال المثل حظ الكريم من اللئيم=ماصار للاعرابي من انثى الضبع
ولا للغراب من الديار الا الحطيم=لو طار في كبد السماء والا وقع
واللي بقالي منك يا العهد القديم=ذكراء واسولفها على الربع