مشاركة الشاعر:
حربي بن بجاد بن عطيه الفريدي

في حفل العمر من الفرده من قبيلة حرب
للشيخ/ سلطان بن شلاح بن حماد الفريدي
بمناسبة تعيينه رئيس لمركز ضيده
مساء يوم الجمعة ليلة السبت الموافق ٢٥-١-١٤٣٧هـ

يـــاسلام الله سلامٍ ريـح عود وريح بـــنا=خالطه ريح الخزاما وأعتلى قدر وفخامه

مرحبا يارؤس قومٍ باللّوازم ما تونـــــّـــا=درعنا عند الملاقا لا تعزوت كل هامــــــــه

صيتكم في كل يمه شاع يازبن المجنــــا=والغلا بين الحنايا ثابت ليوم القيامـــه

ياهلا وعيال راشد رحبوا باللي تعـنــــا=عزوةٍ عدآ صداها ساحل الشرق وتهامه

بالرماح اللي تسن وبالمهار اللّي تعنـــا=مال شدات الليالي غير حامين الجهامه

ثالث العيدين شوفك كل ماالفرصه تسنا=ياولد حرٍ تسلسل من صواريــــم الزعامه

مرحبا والعود الازرق فاح ونسوقه مثــنا=والقصيد يفوح قافـه بالوفاء حب وكرامه

والقبايل في ذرى الله ثم ذرى حامي وطنٓا=المليك ابن المليك مجدد الدين وإمامــــــــــه

هذا سلمان العروبه مــــــاتخّلا عن يمــــنا =ماسمح للفرس تعبث واليمن يبدأ نقسامه

ياوطن حنا جنودك والليالي تمتحنــــــــا=دون حدك يـــاوطنا كلنا رمي العمامــــــــه

والله إن رمضاء النفود وعجها يسوى فينا=لو تطيب لكل نفسٍ في سواحلها الاقامــه

وإن بغى الإرهاب يدخل والفتن منا ومنــا=ياوطن يبطي عدوك ماوصل غاية مرامـــه

الولاء لإخوان نوره والشعر فيهم تغنـــــا=والعلم خفاق يطرخ في سماء المجد وسنامه

والسلام ختام شاعر يطلب الله ويتمنـــــــا=يحفظ الدين وبلدنا والدعاء آخر كلامــــــه


حربي بن بجاد بن عطيه الفريدي