مرحبا والليله الليله من اسعد ليله=تجمع الغالين واقف في شرف ميقافي

والحفل اللي الفخر والعز يوم اجيله =قوموه العمر في ميقاف كل سنافي

الرجال اللي عليهم ماتصير الميله=ياقفون الموقف اللي للعرب ينشافي

كل واحد ينشد الحفله هذي منهيله=قلت ربعي تاج راسي مكرمين اللافي

اقلط اقلط واخذ فنجالن مزود هيله=وان بغيت الشعرجاك من المعين الصافي

اجمل اللحضات واللي زادها تجميله=انها بمناسبة تكريم شيخا وافي

وانت ياسلطان شيخ وكل حمل تشيله=من على جدك وابوك وماضي الاسـﻻفي

والله وانك تستحق المدح يوم اكيله=والحقيقه مايغط النور كودي الهافي

انت ابن حماد وانفاخر على تبجيله=مقدم ربوعن لهم تاريخ ماهو خافي

تحشم الجار المجاور والخوي تثنيله=والدخيل الى زبنهم ماعليه اخﻻفي

يوم نجد تصلصل سيوفه وترهم خيله=من زبنهم يلحفونه باالحاف الضافي