ياراكبٍ من فوق قطاع الاميال=جيبٍ جديد ومن وكالة سفاري

اليا اشتغل كنك تسمع لشلال=والا لسيلٍ من معاليه جاري

ينصى الكريم اللي للاثقال شيال=منصور ابن محمد بطيبه نماري

ونقول لك مبروك ياذرب الافعال=نلت الشهاده قدم خصمك جباري

دكتور ومقدم وبك جزل الأخصال=ومن روس قومٍ ماتهاب الخطاري

وساوسه من عهد ماضي ولازال=رجالهم وقت اللزوم انتحاري

فيهم كرم حاتم وللضيف مدهال=وفكاكة اللي للحوير تباري

عيال راشد ثقلهم يازن جبال=اقولها في سر والا جهاري

ياما لهم في نجد صولات ونْزال=بالرمح والشلفاء وضرب الشباري

وذكرٍ الفريدي دايمٍ بالسماء عال=ثابت ولارازه هبوب الذواري

من دون قاصر فالمشاكيل الابطال=للطيب في كل القبايل مواري

وصلاة ربي عد ماهل همال=على الرسول عداد كاتب وقاري