مرثية الشاعر الكبير
حربي بن بجاد بن عطيه الفريدي
بالمرحوم بإذن الله معلا بن عنيزان بن دويحان الفريدي .


ما ألــوم عيني كل ما دمعها غــاش=على فراق اللي رحيله وحشها
غاب الرفيــق وهيـّض غيابه الجـاش=للحزن في صدري جـروحٍ نبــشها
يـاراس لاتجـــزع من الوقـت لو ناش=متــنك وجنــبك في كــفوفه خمـشها
الموت حق ولاحدٍ منه منحاش=سهـم المنايا كم روحٍ نهــشهــا
الله يبيــح اللي على المــرجله عـاش=سليم من حقد القلوب وغــشـشهـا
معلا وريـث المجـد والــرأس شـواش=رجلٍ دروبه بالمكارم فرشــها
ياما ذبـح للضيف قــعدان وأكبـاش=ماهو مثل نـاسٍ تشح بدبشها
والله لتبطي عيــوننا لشوفه عطاش=ونـجاري الفرقا على غير مشهىٰ
يـاشيب عيني يوم غطوه بالشاش=الروح سلـّمها وشــالوا نعشهـا
هـذي النهايه والكفن قطعة قماش=نسكن قبورٍ مظلـــمه من وحشـها
ما بالقبر غير الثرا لحـلاف وفـراش=وأعمالك بدنياك لا مت عشــها
نِقـْــبل على الدنيــا مــع كــل مغباش=ونـرحل كمـا طيـــورٍ تـخليِّ عششها
يـعل قبـــره ما سقا ديــم ورشـاش=وسالت ديـارٍ ممحله من عطشها
ياالله بالجنه جــــزا كل ماحاش=والنفــس في رحمـتك هــون بلشها



حربي بجاد بن عطيه الفريدي