ياهاجسي ولّم الطاروق لي مده =بس اتنشد عن الحفله وموعدها
واليوم حان الوعد بأفراح ممتده =في حفلتاً جيتها عاني وقاصدها
في محفل اللي معرب خاله وجده =عزعوز وأخوه والوقفات ماأجحدها
عن حفلكم مانسوق العذر والصده =والظرف وأشغالنا لاجلك نبندها
سلام مني سلام اسلام واعده=وأزكى تحيه على الحضار أرددها
سلام تسليمتاً بالعود والنده =ممزوجةً بالوفاء والطيب أعمدها
أنتم هل الطيب وأنتم جده وعده =ماقلتها من رياء وأخداع أوردها
ياعيال راشد لكم وقفات بالشده =بالروح تفدون والعدوان ماأقردها
سجل تاريخكم كنه بحر جده =أفعالكم كيف نقدرها نعددها
الحر من هدته والسيف من حده =ومدت يمين الفريدي مايحددها
فعل الخلف من سلف تطبيقه وقده =أفعال الاسلاف شبل اليوم جددها
والختم صلو عدد ماقولنا نعده =على رسولاً نشر سنه ووحدها
الشاعر / فايز ماضي الهويملي
1436/6/1هـ.