ياجب نجيب إليا دعا راعي الطيب=وشلون لاصبح داعي الحفل جاري
صارت مواجيبه عليها مواجيب=ولا ني بسايق لرجال اعتذاري
لاشك مالي عن هل الجود تجنيب=نعم النباء لآصار للطيب طاري
عبيد ابن راكب يسوق التراحيب=للي هنا واللي من البعد ساري
عودن ورد للجود عذب المشاريب=والطيب سوقه من جزايله شاري
كثر المراجل لو جمع له مكاسيب=مانافسه بالمال بنكن تجاري
زف الحرار اللي بروس المراقيب=وعينه تخفي من فرحها عباري
وقلبه يناجي لجلهم عالم الغيب=لا طول الله عن ولدك انتظاري
هذا شعور العود لبنه بلا ريب=الله يعين اللي لوده يجاري
ويالله نسآ لك ماتخيّب مطاليب=اللي على كسب النواميس ضاري
ولا الردي ياجعلها شمسه تغيب=وتذري على دار المهباء ذواري
رتبتها ياسامع القاف ترتيب=مضمونه التقدير وأيضا وقاري
في سامع الناقد اذا قولي مصيب=عن مكـ ثر السجات ماني بزاري
عن واقع الحاضر اذا فكره ايغيب =من واقع الماضي تراله طواري