المعذره والله ماأخذت انتباهي=ساعة تكلمني وأنا لي بمشروع
أدوج مع خضر الحدايق وساهي=وسويت لي عشرة مشاريع باسبوع
أسواق وأسكان وحدايق ملاهي=ومن الذكاء مابالتجاره على نوع
أرسم على اللوحات رقم التباهي=وبكل ديرة لي محطات وفروع
بس النهاية لاتقولون ماهي=راع السهو وخط القلم عنه مرفوع
عدنا على دله وبراد شاهي=وراحت مشاريعي مثل حبت الكوع
يالله ياللي عن معاصيك ناهي=تجيرنا بحماك عن كل ممنوع
فضلك علينا طول الايام راهي=صحه وأمان وغيرنا خوف مع جوع
بين الدول كنا نشوف الدواهي=بس والظروف وخط الامداد مقطوع

.......

شريف ابن راكب الفريدي