باسم ساير محمد و أسم ربعة الهدبان=هل الدين والتاريخ والمجد والطولة
هلامرحبا ترحيب حربي وفاء وإيمان=يقولة معزبكم ونا برضه اقولة
من الهاجس الي رمعته تطرح النيشان=عدد برق وسمٍ يروي القاع هملولة
ارحب واهلي بالجماعة وبالضيفان=كلاما ًيثمن صاحب العرف مفعولة
وابوصالح يرحب بكم بالفم المليان=ويشكر جميع اهل الوفاء اللي تعنو لة
نقاً من عوايد لابتة والكرم عنوان=رجالٍ لهم بالطايلة صوله وجولة
هذا بناخي اللي سمعتة ترهب العدوان=يقرون عقال الرياجيل بفعولة
خلوي الفريدي والحقايق لها برهان=فعولة مع العربان ماهي امجهولة
مجاله يشرف كل حربي وكل نسان=يحب النقاء ويحب راعية ويطولة
ولاهو لحالة بالشجاعة معة شجعان=بكل القبايل يوجد ابطال وزحولة
واخيراً وليس اخيراً اهني الشبان=عسى ايامهم دايم بالأفراح مشمولة
ونسال الكريم المعطي الرازق المنان=بدعوة عساها عند الالة مقبولة
عسى الله يديم الخير والعز والآمان=على الدين واهل الدين والشعب والدولة
واصلي واسلم عد ماهلت الامزان=على افضل رسولٍ وضح الدين و اوصولة