بديت باللي يعلم السر والغيب=منش السحاب اللي ترازم رعوده
انا لاقلت ارتب القول ترتيب=اصخر القيفان واقدح ازنوده
سلام ياراع الوفاء والمواجيب=للفعل والنوماس يبذل جهوده
هذاك ابو تركي عطيب المضاريب=عسى فداك اللي يحسب نقوده
يامدله الضيفان ستر الرعابيب=ياوارثٍ طيب وكرم من جدوده
ترفع لك البيضاء بروس المراقيب=وبكل موقف صعب يثبت وجوده
لا من لفاه الضيف زاد التراحيب=وبالمرجله والطيب محدٍ يزوده
قولت نعم هي مكسبه راعي الطيب=فعله يغيض اهل القلوب الحسوده
حرٍ ولد حر شهر بالمخاليب=له مجلسٍ دايم تعاقب وفوده