سلام ياللي رفع بالمجتمع صيته=حلو النباء والقبال ولنه وسيدي
دينن علي الحقيقه كل ماجيته=ان تقل رايحٍ لي لأقرب فريدي
صالح بنيه بيوت المدح زاهيته=لو كان مالي وراء مدحه مقاصيدي
اقولها عن قناعه عقب خاويته=واضمن من اللي يعد الحق تأييدي
وقدراً لأبوه الحن والقاف صفيته=وتقدير للي يعرف المناقيدي
بنيه اللي على الطوله عمر بيته=ودايم محله مقراً لصناديدي
من سمعته بارك الله فيه عزيته=عزاً على بر ماهو عز تقليدي
الله يتمم عليه بطول عافيته=والله يهنيه بأفراح الاواليدي
حبيت ابارك لابو صالح بتربيته=لأبناه حسب الشريعه والتقاليدي
وبمناسبة فرحته بعياله اهديته=جزل التباريك مع عذب الاناشيدي