ماكل من جاب الخبر له مطاعه=ناسن تهبش العلم مثل المهابيش
بضاعتن ياخسها من بضاعه=ياللي تخمش هزل الاخبار تخميش
علي مقره دايمن بالرفاعه=ماهوب من ربعن سوات المناقيش
ياعلي انا خابرك راعي وقاعه=لاشك يوم تصدق الحكي هو ليش
الناس مفتونه ببث الاشاعه=واكثر مقاصدهم خساسه وتحريش
حنا جلسنا ياعلي وقم ساعه=اما العشى ياكامل العرف مافيش
ياعلي ياعلي الكرم والشجاعه=تعال وابشر بالعشى ياشقر الريش
حمود بن محمد الفريدي
--------
رد علي الطهيمي
سج الخفوق وهاجس الشعر طاعه=وتواردن بالبال ورد المعاطيش
من فوق بيرن عمقوه الزراعه =ميه قراح وراعيه مايطفيش
هاذا وليه وقفتن من قناعه=الرضيبها الطيب وزعل بها الديش
ياحمود مثلك معرفتهم أطماعه =ياريف سمحين الوجيه المداهيش
انا اشهدنك من خيار الجماعه =وسيف القبيله كان صارت تناويش
بالعنف ماتلوا النوادر ذراعه =وفي طيبه اصدق من حقوق المراهيش
الياانثنا من دون خصمه دفاعه =يفرك خشوم اهل القلوب المغاشيش
الصدق مثل انور يكشف شعاعه=والكذب ضلمامسرحن للخفافيش

الشاعر : علي عبدالله الطهيمي