بيض الله وجه ابن مرغى وجمل حاله=حي والله من رفيقن سقت رجلي يمه
مسعر اللي كل نعمن بالرجوله ناله=الشجاعه والحموه تطبخ في دمه
اشهد انه يوم قال اوفا كلامن قاله=والوفا عادات ابو فارس بصدق وذمه
حط موضوعي على طول السنه في باله=لين طلعني على راس الهرم بالقمة
ارتكى للحمل حتى عن متوني شاله=ونجلى عني من اسبابه سواد الغمه
ياسلالة فارسن فك الوسيق الحاله=واشتهر في خلها في عالمن ملتمه
انت راع المفخره والاوله والطاله= وانت ساس الطيب يامسعر وابوه وعمه

هذي قصيدة الشاعر القدير ابو ناصر في الاخ ابن مرغى
الشاعر / حمود بن محمد بن عوين