من منتدى بني السفر جاء تعازي=يالله عساها رسالةٍ ماتعودي
وحسيت من بين الضلوع اهتزازي=وكافحت بالصبر الجميل اللهودي
لو كان كسري مثل كسر القزازي=الله على كل الحوال محمودي
عليك ياشيخاً بدا راس نازي=عداه لو مثله عليه محسودي
من ماكرٍ ماياكره فرخ بازي=حرٍ ولد حرٍ عريب الجدودي
من ماكر الحماد شيوخاً عزازي=حرز الدليل مزبنين الشرودي
وزيد اليا جاء العلم مابه مجازي=يرسي كما ترسي روس الحيودي
وعن لابته ماهو حسودٍ حيازي=وسّمن لعدوانه يبيد الكبودي
وعلى الشفيع اللي على الخلق فازي=صلاة ربي عد رمل النفودي