*
الحزن خيّم واظهر الدمع خافيه=من يوم راح اللي علينا فقيده
رحل وخلا الناس تدعي وترثيه=وتكتب معاني حزنها في قصيده
امراً من الوالي وربه يجازيه=بأعماله اللي في كتابه شهيده
يبكيه طفلاً ماتهنى بلياليه=فقد عزيز وكل لحظه سعيده
والام من فقدانه اليوم تبكيه=تبكي على اللي له مزايا حميده
ويبكونه ارجالن تعزه وتغليه=ويبكونه اخوانه وكل البديده
راع التواضع والصخا في مباديه=وراع الفعول الشامخه والعديده
وللمسجد اللي محتسب في خطاويه=يعمل وربه بالحساني يزيده
عساه في جنتك بالخير تجزيه=وتغفر لذنبه ياغفور لعبيده
يارب يارحمان تقبل حسانيه=يامنزل القرآن وأصل العقيده
الموت حق وكلنا نعترف فيه=والرابح اللي مجتهد في رصيده
والطيّب اليا مات مايموت طاريه=الا الردي لامات ماهو فقيده
وسبحانه اللي كلنا في رجاويه=ومقدر الاقدار واللي يريده

*
*