خذ الاجابه يابو غالب من الراس=من طبلة دماغي ماهي عبر الاعلام
مضمونها ينصاك يامعرب الساس=عند اهل العرفاء نجي دون عزام
ولنا الفخر دام الشرف قدر واحساس=قدامنا يكفي تراحيب الاكرام
حلو النباء شفناه مع كل الاجناس=وكلمة هلا يامرحبا عندي وسام
هذاجوابي يابيض الوجه بقياس=بالمختصر نعطيك من روس الاقلام
تراء المثل اللي يتداول مع الناس=ماينطبق على العرب كلها عام
قلبي دليلي ماعتبر كل مجلاس=قدر ومعزه لو تعديت قدام
اقبل تحياتي عسى مانت للباس=وتراء الهدف امزوح لاتحطنا اخصام

اعداد ماهز الشجر ريح نسناس=يامرحبا بالمتزن عقل وال هام
رجال عرفه لو يدرس تدراس=والقلب مثل الشاش الابيض من الخام
للطيب في وجهه علامات نبراس=ويحث رجله للوفاء دوم قدام
يابن هذيل القلب مبلي وغطاس=في لجة النسيان هذاله اعوام
والا انت عندي لك مكانه ومجلاس=شطرك واخذته منك يوم انت رسام
رسمت لوحه للوفاء كنها الماس=لعل يفدى حضرتك كل لوام
راع النفاق يرافق النذل واخساس=والا انت ربعك من نشاماء وحكام