تشرفت بإلقائها
(بمناسبة حفل تكريم الشيخ شلاح بن متعب الحماد)

من هيبة حضور الرجال المسماه=جاء للمنصه بحفلنا اليوم هيبه
ولهل الشكاله والمواجيب والجاه=اللي على صدور المجالس منيبه
البن فنجاله للاجواد سقناه=والعود الأزرق بين الاكمام طيبه
لنا الشرف باللي لفانا وحياه=امن الديار المبعده والقريبه
بديرة ولد متعب عساء الخلد مثواه=شيخٍ دروبه بالمكارم صعيبه
متعب يتعّب بالجيزلات ممشاه=وريف وذرا للي لفا ينتخيبه
واليوم ماجوب الوفاء ماتركناه=لشيخ ابوسطام ماندعيبه
بطيب النبا يشهد لمثله وشرواه=رجلن بري منالضغينه نصيبه
بالخير والخيره عساء الله يجزاه=ويجمله في كل حال ويثيبه
نوفي لشيخٍ بالوفاء مد يمناه=ولاهي بمثله نعتبرها غريبه
حيث النقاء سجيةٍ من سجاياه=سجيته لو بيّن الوقت شيبه
وعن داير الكرسي عقب حط مركاه=نبقا سندٍ باللازمه يعتزيبه
فعل الوفاء ورثٍ لنا ماادعيناه=يشهد به التاريخ من دون ريبه
عيال راشد شامخ المجد ترقاه=واللي تكايد بالعتامه تجيبه
وحق القبايل بالصطر ماهظمناه=والحق بشر جاحده بالغليبه
دين ورجوله من كسبهن بدنياه=نال المثوبه والعدو يستهيبه
الدين نورك لحكم القبر ظلماه=والطيب صيتك لعتلك النصيبه
وعز وتعالى نسأله بعظم اسماه=فرد صمد يخفا على الناس غيبه
يجعلنا بجوده من النار منجاه=ماخاب عبدٍ بالدعاء يلتجيبه

اخوي
الشاعرعبد العزيز العبلان
صح لسانك ولاهنت والشيخ شلاح بن متعب بن حماد
يستاهل المدح وكل مايقال فيه من المدح قليل
لاهنت وعادتك الجزاله
تحيتي

المشاركة الأصلية كتبت بواسطة غازى بن عجاب أبوزوايد (المشاركة 277864) اخوي الشاعرعبد العزيز العبلان صح لسانك ولاهنت والشيخ شلاح بن متعب بن حماد يستاهل المدح وكل مايقال فيه من المدح قليل لاهنت وعادتك الجزاله تحيتي

المشاركة الأصلية كتبت بواسطة ابـن مـطــيع (المشاركة 277866) صح الله السانك عبد العزيز من طول الغيبات جاب الغنايم لاهنت وافي ...يالغلا

المشاركة الأصلية كتبت بواسطة ابوحمد (المشاركة 277888) صح لسانك ابو عبدالاله قصيده جزله من شاعرٍ جزل وإلقاء راااااائع جداً بيض الله وجهك على الحظور المميز لاهنت