يامرحبا واعداد طلع النوابيت=واعداد ماسجل براس القلميا
في خط ابو فايز بعيد المشاويت=اللي لجزلات المعاني رسميا
ومن دافعٍ بين المحاديب غنيت=من بينهن يشدا البحر للتطميا
احضرت فكري يوم للقاف رديت=وانا هجوسي للجزيلات ظميا
وعندي شهادة حق معها ثوابيت=لك فزعةٍ كان الصحيب انعدميا
الوقت يامشكاي دره سواحيت=تغتر به نفسٍ شفوحه وعميا
واللي على اهل العرف يقدح كباريت=على الردى دايم يحث القدميا
اللي سوالفهم مهازل وتنكيت=وليا سمع منك النصيحه عرميا
زوله رجل لاكَنّ في عقل خرتيت=الخف عنده مثل قدر السنميا
حكمه من اللي كوّن الحي والميت=الكون كله كونه من عدميا
كلش وله نده اليامن تقصيت=ولا يثيرك قلوبٍ من النقص دميا
ولا اقول كل الناس بالقيل خصيت=من عم خلق الله ألحظه ظلميا