ياقلب ياللي من عنا الوقت مشحون=مسقيك وقت الغربله قمطريره
اطلب ولي الكون باليسر والهون=ونصاء اللذي ماخاب من يستجيره
اللي عليه الناس بالطيب يثنون=شرقٍ عن الهامل جنوب الزبيره
يتبع هوا اللي فوقها الني مردون=شعل ومغاتيرٍ جرامٍ نظيره
مافيهن اللي زينها بالدبش دون=ظخمن على راع المزاين خطيره
مفهوقت النسنوس نصاعت اللون=متكاملاتٍ كل ذود وبعيره
معن قلص صيوان للي يضيفون=ومجالس لها مع الليل نيره
وخدام بكرام المسير يقومون=ويمنى بذبح الحيل دايم بذيره
اليا رحل مثل الطوابير يمشون=وان حل في وسط الخلا صار ديره
من يمه العالم يروحون ويجون=والا قصير الماد محدن يديره
شيخٍ يفك ارقاب ويخلص ديون=ويحل عقد المعضله والعسيره
هذاك هو اللي به الطيب مقرون=نايف ولد حثلين ماهو بغيره
منزح الهقوات صامل ودندون=نسل الرجال اللي ترد المغيره
دمث الجناب اللي عن السب مصيون=رجال عرف وفيه عقل وبصيره
اميرنا فالفوج سبع وثلاثون=لامن كلن قام يفخر بميره
والطيب عدٍ دونه الناس يشقون=لوهو مثل هداج كد جف بيره
يمه فواعيس الرياجيل يردون=ودليهم عن ماه ماهي قصيره
يافزعت اللي يطلب النجد والعون=جينا وشرهات الهقاوي كبيره
ونقول والعربان دايم يقولون=راع الجماله كثر الله خيره