|
:: اما صفت والا بستين ذالف :: تحيه للجميع , وعذرآ على الغياب , اتمنى تنول على رضاكم هذه المتواضعه ,, (( لها مناسبه خاصه )) , , اهلا هلابك عد نبت البساتين=اللي من الوسمي نباته تخالف ياشاعر ٍ له بالجزاله دواوين=در ٍ مع الياقوت بعيار كالف هذا الزمن فيه اختلاف البراهين=وفيه الردي واللاش سوو تحالف اضرب على القاسي ولابد مايلين=اما صفت والا بستين ذالف وان كان فزعة صاحبك تقضي الدين=أطوًع الرأس العنيد المخالف اكسب رضى الطيب وأغيض الرديين=وابغض نفوس ٍ بالدنائه توالف وارجع واقول الوقت ياصاحبي شين=اتلف صليب الرأي والراس تالف |
رد: :: اما صفت والا بستين ذالف :: اخي فهد طولت الغيبه وعدت لنا بما يشفع لك صح لسأنك وسجل اعجابي بكلماتك المختصره المفيده |
رد: :: اما صفت والا بستين ذالف :: اكسب رضى الطيب واغيض الرديين وابـــــــــــغض نفوسٍ بالدنائه تــوالف اخوي الشاعر القدير فهد الفريدي كفو والله ابو مشاري قصيده جزله وعادتك الجزاله رائعه جداً رددت قراءتها من اعجابي بها تحيتي |
رد: :: اما صفت والا بستين ذالف :: صح لسانك قصيدة رائعة وعودا حميدا |
رد: :: اما صفت والا بستين ذالف :: الاخوه الاعزاء نايف بن مياس غازي بن عجاب ابو وسيم تواجدكم واضافاتكم اوسمة يزدان بها متصفحي فشكرآ لكم على حضوركم ,, لاااااعدمتكم |
رد: :: اما صفت والا بستين ذالف :: ابومشاري صح لسانك وعلا شانك مبدع دائماً لاعدمتك والمعذره على التأخير في الرد |
| الساعة الآن 12:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir