على هامش الذكرى بكينا على الاطلال=رجعنا ورى ياعايد عبيد عشر سنين
ذكرت المكان اللي جمعنا هوى وضلال=وهالحين وين الناس راحو وحنا وين
تزول العلاقه والغلا عندنا مازال=وفينا صغار ونندفن بالثرى وافين
لو ان الليالي بدلت حالنا في حال=تفرق شمول الاصدقا واقرب الغالين
عطتني دروس ودرست قبلي الاجيال=رحانا رحاها لين صرنا من الراحين
تحملت طول الوقت لو الحمول ثقال=واداقش مع الايام خطوه يسار يمين
انادي عليهم كل ماصحت رد الجال=بصوت صداه يصحي الهجع الغافين
كنت اتسلى بالامل لاكن الآمال=لايمكن تخلي قاطف الشوك يجني تين
كشف ماحصل وجه الحقيقه مع الامثال=حسب تجربه لو كان ماتعجب الراوين.
خطا بالمثل ماكل فال وراه عقال =ولاهو صحيح ان الزمن يجمع الحيين.
نايف بن مياس الفريدي