|
جعل تفداك كل العالم الماكره اليكم هذه القصيدة من روائع الشاعر القدير عوض ناصر الفريدي قالها بكل فخر في الاخ العزيز على قلوبنا جميعاً ، في مدير قسم مرور قصيباء . الرائد منصور محمد الوسوس وهو يحـظرشهادة الدكتوراة في الخارج وله منا خالص الدعوات، بتوفيق لبو يارا اجاد المادح في المدح و يستاهل الممدوح كل خير. ،، وكان لي شرف انزالها هنا بكل فخر وعتزاز بهما ، ...... مرحبا فيك ياحر(ن) تغرب وعاد=عادت الحر ماينسا فضل ماكره عاد بالعلم يوم العلم عز العباد=كل طيب على طيب العمل شاكره لجل حب المليك ولجل حب البلاد=يتعب اليوم ويضيف لعمل باكره حي منصور بعد الله عليه اعتماد=يطلب العلم وطموحه ماهو حاكره ياجواد(ن) جواد بدون كبوة جواد=جعل تفداك كل العالم الماكره كنك اتقول مال المرجله حد ماد=وأن الايام حلوه لو تجي عاكره مرحبا من شعور ومن صميم الفواد= الردي كد نسيته والوفي ذاكره شاعر(ن) كل ماغنى يجيب الجداد=يفتخر باالجميل ويحتقر نا كره البحر كل مايقرب شواطيه زاد=والهوى تطرق امواجه ماهي ساكره ليلت(ن) جابت الغالين ليلة عياد=تثلج الصدر وتسجل على الذاكره |
رد: جعل تفداك كل العالم الماكره صح لسان عوض ناصر قصيده جزله ويستاهل الممدوح منصور الوسوس لاهنت يابن مطيع على النقل |
رد: جعل تفداك كل العالم الماكره صح لسان ابو ماجد ويستاهل ابو يارا والله يوفقه وا نشاء الله للرتب العليا باذن الله ......... |
رد: جعل تفداك كل العالم الماكره صح لسان الشاعر القدير/ عوض ناصر ونعم بالمادح والممدوح ولا هنت يا أبو صالح على النقل |
رد: جعل تفداك كل العالم الماكره يستاهل الوسوس رجلاُ له مواقف في القبيلة جميعاً وطيب يجيك ذكرة كل الشكر على الايراد |
رد: جعل تفداك كل العالم الماكره صح لسان ابو ماجدقصيده جزله ويستاهل ابو يارا رجل الكرم والمواقف الجزله لاعدمناه وبيض الله وجهك ابو صالح على ايراداتك المميزه لاهنت |
رد: جعل تفداك كل العالم الماكره شرفتووووني بمروركم وصح الله السان شاعرها ويستاهل الممدوح |
| الساعة الآن 08:26 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir