مجالس الفرده - ((((( اولاد راشـــــد لالتقا المـــوق بالمـــــوق ))))))

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

((((( اولاد راشـــــد لالتقا المـــوق بالمـــــوق ))))))

اسعد الله صباحكم بكل خير وموده
اتيتكم بهذه القصيده الجزله من شاعر جزل وله مكانته بالشعر والجزاله
الاخ عوض ناصر الحربي وهي باخينا فرج فخري الحربي وعسى الله يوفقه وينال المركز الاول
باذن الله / القاها ابو ماجد بحفل ابو تركي يوم الجمعه بام رقيبه وستعرض بقناة المرقاب بالايام المقبله ان شاء الله ....

================================================== ====

ســـلام ياحفل ن به الطيب معبـــوق=يفوح فوح الهيل والزعفرانـــي
تســمع ليا جيته حلا كل منطـــــــوق=هلا هلا في كل من جاهـ عاني
اقلط وتلقى كل ضيف ٍ له حــــقـــوق=مافيه ذا قاصي وهذاك دانـــــــي
جيته ونا واثق بتعبير مـــوثــــوق=اسمي على هذا المشـارك دعـــاني
شــاركت مع ربعي وانا هامتي فوق=افخر ولي افخر وهذا مــكاني
دايم ومركزنا مـــــع الناس مرمـــوق=اول على الاول ولا هوب ثـــاني
اولاد راشد لا لتقا الموق بالمـــوق=والله مافيهم ضعيف وجــبــاني
ون عودت للزود ومزايـــن النـــــوق=باذن الولي بالفـــوز نضــمن ضمــاني
ياما خذينا الفوز والضـــــد مخــنوق=وفزنا وجتنا الجايزهـ والتهـــاني
اقدم يابن فخري ترى منت مفهــوق=وانته كفو من مطلقين اليــمانــي
شـاركت في حمرن ازيانن لهن ذوق=يشعن ناضرهن عيان ن بياني
باوبارهن كن احــمــر الــدم مدفوق=والا بهن من جمرة الضهوياني
ماهن شرايا واحد ٍ داخــل السـوق=اللي يتربح فيهن مريبحــــانــــي
اتلاد ســايقهن بغال الثمن ســوق=ارخص لهن دنياهـ والعــــمر فانــــي
جعلك يابو تركي بخطوتك موفـــوق=والفوز باذن الله تجيبه ضــــــمانــي

=======================================

لشاعر / عوض بن ناصر الحربي

هذا وتقبلو تحياتي وتقديري ......