![]() |
يبا الفيت.......نايف بن مياس انا وين حظي طشني فيك يبا الفيت=تبليت لك مخلوق واشغلت تفكيره لمحتك بنظره كنها القاز والكبريت=شبت على القلب الخضر زود تسعيره تراها ثواني صدفتي فيك لوعديت=رسوم الصداقه والعلاقات والجيره تحكمت بعنان النظر بعدها صديت=وذكرت الله الخالق على حسن تصويره وقلت الجمال اللي سمعناه وش خليت=طبيعه تعادل خام من بعد تكريره وقاومت نفسي والهوى والغيا وابليت=لاكن الغلا هيمن وثبت مساميره الظاهر اني عندهم طحت ماسميت=علقبي غلاه وخايف انه علق غيره وصرت التفت في بيتهم كل مامريت=وعرفت اصدقاه ومن يزور ومساييره وعرفت رقمه واتصاله بكيت وكيت=وعرفت بانه طيب الصيت والسيره وجلست انتظر عن وقت عامين مادقيت=اخاف ان لساني يبتلش في تعابيره وطال الصبر وانا على بعدهم مليت=وراح السحاب اللي تسلي تباشيره وكتبت الرساله طامعن في موارد هيت=وجاء ردها يترك حباله على بيره ورديت له يامالك الري وش سويت=كلامك رموز ويحكم الرمز تفسيره قال انت لا تارد علينا وكان اضميت=تفضل بما يكفيك واشر على زيره وحاول يبرر عن فعول الجفاء تسكيت=قلت احمد الله يا عسى بالامر خيره ياليت لو ما احدٍ لقا فايده من ليت=سوات الهويدي يوم يبكي على طيره حرامٍ عليه لو يعود الزمن ماجيت=مع الشارع اللي عندهم يدخل الديره والا يارسولي رتب القاف بيت وبيت=ماغير اتسلى واخذ الشعر تصبيره وقله ترى نايف رغم كل ماسويت=موصي لكم مكتوب شكره وتقديره نايف بن مياس الفريدي |
رد: يبا الفيت.......نايف بن مياس لـمـحـتــك بـنــظــره كـنــهــا الــقـــاز والـكـبـريــت شـبـت عـلـى القـلـب الخـضـر زود تسعـيـره المصدر : يبا الفيت.......نايف بن مياس - مجالس الفرده http://www.alfredah.net/forum/thread...#ixzz2EjQUqx81 ابن مياس صح لسانك على القصيده الجزله لاهنت |
رد: يبا الفيت.......نايف بن مياس وقــلــه تــــرى نــايــف رغـــــم كـــــل مـاســويــت=مــوصـــي لـــكـــم مــكــتــوب شـــكـــره وتــقــديــره صح الله السانك نايف تواجد رائع ... |
رد: يبا الفيت.......نايف بن مياس
|
رد: يبا الفيت.......نايف بن مياس صح لسانك يا نايف .. على هالقصيدة الرائعة |
رد: يبا الفيت.......نايف بن مياس صح الله لسانك اخي نايف وشكراً لك على الاضافه |
رد: يبا الفيت.......نايف بن مياس صح الله ابدانكم جميعا شرفني مروركم |
الساعة الآن 09:55 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir