|
درة الفائزيه يابو عبدالسلام ايها الاخوه اضع امامكم هذه المتواضعه والموجهه للشاعر القدير نواف فارع ارجو ان تليق بمقامه وتنال إستحسان الجميع جادلٍ صادفتني يابو عبد السلام=غيبة الشمس بالستين ياشينها صدفتن رجعتني فوق يالقرم عام=ذكرتني زمانٍ فات في حينها وقفت وأشرتلي وإبتدت بإحترام=قالت الصيدليه ياولد وينها زولها ياعضيدي زول ضبي العدام=كنها الغاليه بالهرج وبزينها واظلم الوقت عندي قبل وقت الظلام=ودارت الارض فيّه والسبب عينها وهزت كتوفها واقفت بليا كلام=ونفسي المغرمه ثارت شياطينها ول ماتعسك ياقلبٍ طواه الغرام=سبت اللي بعد ماوفت بعض دينها وسلامتكم |
رد: درة الفائزيه يابو عبدالسلام الله الله يابو فيصل الله يبارك بهالصدفه اللي خلتنا نستمتع بهالشامخه صح لسانك مليون لاعدمناك ولايستغرب منك هذا النص الجزل وبأنتظار ابو عبدالسلام ...... تحياتي لاهنت |
رد: درة الفائزيه يابو عبدالسلام ابوفيصل صح لسانك وعلا شانك وين حركت المواجع بالستين وشبك عسى ماشر ياداعج العين $$$ وين السلام وين رد التحيه هاذي قصيده لي والصدفه بنفس الشارع على العموم أنت هيضت الشيبان الربع بالوسم ويخايلون البروق يبون الربيع والوناسه وناسين الهواء وأتعابه وأنت رجعتهم الله يسامحك ابوفيصل صح لسانك والف شكر على الاضافه العطره والرائعه وننتظر ابوعبدالسلام |
رد: درة الفائزيه يابو عبدالسلام الله الله الله يابو فيصل درة فعلاً في الشكل والمضمون والمناسبة لازال قلبك خضر ياغازي وكان بودي انها تكون (درة الصفراء) والاّ (الحي الاخضر) ماعليك منه ههههههههههههه ويستاهل ابو عبد السلام الشاعر الغائب ان توجه اليه ولعلها تعيده لنا :074: صح لسانك وسلم بنانك ولا تحرمنا من جديدك لاعدمتك |
رد: درة الفائزيه يابو عبدالسلام صح لسانك مدد بلا عدد يابو فيصل ... الابداع غير مستغرب منك وشهادتي فيك مجروحه ومثل ماقالو الربع لعلها ترجع لنا ابو عبد السلام ولعل شوف عينك حظ غيرك هاذا الموت ههههه ماتلاحظ انك ذكرت ابو عمر وجنيت عليه وطلع المستخبي لك اجمل تحيه |
رد: درة الفائزيه يابو عبدالسلام صح لسانك يابو فيصل قصيده رائعه بالوصف الذي يعكس مايراه شاعرها وبنتظار رد ابوعبدالسلام تحيتي وتقديري لك |
رد: درة الفائزيه يابو عبدالسلام ابو فيصل انا من رأيي خلك دائما حول هذا الشارع حتى نسمع مثل هذا القصيد صح لسانك |
رد: درة الفائزيه يابو عبدالسلام الله الله يابو فيصل صح اللساااااااااانك وااااااافيه من راس ٍ واااااافي لاعدمتك يابعدي |
رد: درة الفائزيه يابو عبدالسلام اقتباس:
اخوي ابو حمد صح بدنك واشكرك على المرور العطر والاشاده تحيتي |
رد: درة الفائزيه يابو عبدالسلام اقتباس:
اخوي علي الجضعان صح بدنك واشكرك على المرور العطر والاشاده تحيتي |
| الساعة الآن 03:16 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir