يامشعل مطيع عطني رايك الميمون=مايشكي الصاحب الا لصفوة اصحابه
العود صارت حياته دون طعم ولون=يكبر وتكبر غرابيله مع انشابه
اصد لكن تعرّضني بلاو الكون=حالي مثل حال بصري ضاعت اطبابه
وش حلها يوم صرنا راهن ومرهون=والراهن اللي مزع قلبي وقفـّا به
ابو عيونٍ تركني كني المجنون=اشقى عيوني بتفاحه وعنابه
اليا تكلم كلامه ناعمٍ موزون=واليا تبسم فتح للموت بوابه
واليا مشى مشيته فيها وقار وهون=مع ان الاوصافْ ماتسترهن ثيابه
يلعب بقلبي وهو يلعب على الآي فون=كنه يقول اسمحوا لي ماني بآبه
احس بيني وبينه فرق شاسع بون=مع ان بينه وبيني طول سبابه !!
صدّقت من قال لله في عباده شون=يخلق ويفرق وبعض الخلق يشقى به

المشاركة الأصلية كتبت بواسطة ابوحمد (المشاركة 272011) احـس بينـي وبينـه فـرق شـاسـع بــون * مــع ان بيـنـه وبيـنـي طــول سـبـابـه المصدر : http://www.alfredah.net/forum/thread...#ixzz27eqoyltd الله الله يابو عبدالعزيز قصيده جزله كلها تستحق الاقتباس ولاكن هذا البيت على الجرح لمن هم فوق سن الاربعين هههههههه وانا اشهد انك اسندت على رجال عرف ومواقف صح لسانك مليون لاعدمناك

المشاركة الأصلية كتبت بواسطة علي محيميد الفريدي (المشاركة 272014) صح لسانك يابو عبد العزيز وصحة معانيك الماطره كا عذب القراح الزلال وبن مطيع كفو لمايسند عليه العود صارت حياته دون طعم و لون على ضو هذا الشطر والبيوت اللي بعده حبيت اداعبك رحماك ربي بحال العود اللي غدا كنه الشنه وده على قطفة العنقود لاشك الايام حدنه مافيه ذارب و لا منقود كل السبايب كبر سنه هههههه ابوعبد العزيز ميدان فسيح لجميع الجو انب الطيبه الدعابه الادب الوقار الوفا الى اخره

ياعلي محيميد عودك عود=مكار لو جرها ونه
ياما رثع والعباد شهود=بذّ المطايا وبذنه
ولازال عودك يحب الزود=وان ماقدر يطلب الجنه

المشاركة الأصلية كتبت بواسطة عيسى ابن احمير (المشاركة 272035) صح لسانك يابو عبدالعزيز قصيده جزله من شاعر متمكن ومبدع دائمآ بجميع مواضيعه وفي جميع بحور الشعر لاهنت على الأضافه

المشاركة الأصلية كتبت بواسطة ابن رضيمان (المشاركة 272046) صح لسانك ولاهنت يابوعبدالعزيز على هذه الوارفه التي تشد الانتباه بـ فكرتها و اسلوبها الجميل دمت بخير

المشاركة الأصلية كتبت بواسطة تعاند من يعاندها (المشاركة 272062) صح لسانك ..ابيات جميله

ابو عبد العزيز صح الله السانك
ولي الشرف انني اجد اسمي في بداية القصيدة
ولكن هذه القصيدة حركت جميع اصحاب القلوب الورديه بعد ردودهم
التي بتدعدو بعض الشيء
ولكن بعد هذه القصيدة اتضحوا لنا هههههههههه
أشكرك من اعماق قلبي يا بو عبد العزيز وأنا منون الشخصك الكريم
صدقني انني اعيد قراءة القصيدة اكثر من مرة

ولكن هذه البيت على الجرح ومن الواقع ماشاء الله عليك هههههههههههه
يلعب بقلبي وهو يلعب على الآي فون=كـنـه يـقـول اسمـحـوا لـــي مـانــي بـآبــه

قصيدة تستحق لاقتباس والاشادة تحيااااااااااااااتي لك
من زمان انتظر مثل هذه القصيدة
اشكرك ياتاج راسي
ولكن دائماً نجد منك الحلول لأنك صاحب الخبرة الطويلة في هذا المجال ؟؟؟!!

المشاركة الأصلية كتبت بواسطة مبارك بن ناصر بن حديد (المشاركة 272296) صح لسانك يا عندليب المجالس على هذه القصيدة الجزلة ويستاهل مشعل بن مطيع الاسناد ولكما تحياتي وتقديري

المشاركة الأصلية كتبت بواسطة ابـن مـطــيع (المشاركة 272316) ابو عبد العزيز صح الله السانك ولي الشرف انني اجد اسمي في بداية القصيدة ولكن هذه القصيدة حركت جميع اصحاب القلوب الورديه بعد ردودهم التي بتدعدو بعض الشيء ولكن بعد هذه القصيدة اتضحوا لنا هههههههههه أشكرك من اعماق قلبي يا بو عبد العزيز وأنا منون الشخصك الكريم صدقني انني اعيد قراءة القصيدة اكثر من مرة ولكن هذه البيت على الجرح ومن الواقع ماشاء الله عليك هههههههههههه يلعب بقلبي وهو يلعب على الآي فون=كـنـه يـقـول اسمـحـوا لـــي مـانــي بـآبــه قصيدة تستحق لاقتباس والاشادة تحيااااااااااااااتي لك من زمان انتظر مثل هذه القصيدة اشكرك ياتاج راسي ولكن دائماً نجد منك الحلول لأنك صاحب الخبرة الطويلة في هذا المجال ؟؟؟!!

المشاركة الأصلية كتبت بواسطة الجديد (المشاركة 272324) اخونا ابوعبدالعزيز عندليب المجالس صح لسانك . ويستاهل أبن مطيع الأستشاره . اما عتابك على معشر الشباب بقولك اين الغزل .؟ واصلك أول الشباب الجديد بأنزال قصيده غزليه قريبآ . تحياتي للجميع

المشاركة الأصلية كتبت بواسطة ريم (المشاركة 272412) صح لسانك عندليب المجالس

المشاركة الأصلية كتبت بواسطة علي الجضعان (المشاركة 272457) رويدنا علينا يا خلف تسلم من اللي جهازه أيفون وصح لسانك ترجمة لنا جميع اللغات وتفننت في أبداعك سجل ابوعمر من قروبك والف شكر ع الاضافه