الجار شد برغبته واختياره=لعلهم مع السلامة يروحون
أربع سنين عد ليل ونهاره=لا جن طرا يفنا عليهن ينادون
والشـاهد الله ماتمقلت عاره=أخاف من ربع النمايـم يقـولون
اللي حفظ قدري حفظت اعتباره=أهل الوفاء على وفاهم يوافون
اسلومنا ما جيـبها مستعاره=من لابةِ عن المروه يحامون
أولاد راشد ريف منهم جواره=جيرانهم باسم القبيلة يسمون
جارٍ يكره للوطن كره جاره=وجيران لاشدوا من الولف يبكون
وجارٍ ليا طول عن الجار زاره=وجيران لوهم عصبةِ مايتدانون
الله جعل بالناس فرق وغياره=متفـاخــتينٍ بالطبايع وباللون
ورجلٍ يحط اللازمه من يساره=ما حط له جمالةٍ مع هل الكون
ومن قال كامل ينتمي للفجاره=الكامل اللي له عباده يصلون
ومن جاب ميسوره وحسن اعتذاره=تسوى ذبيحة واحدٍ تقل محزون