![]() |
عيـال راشـد طيبيـن السلـومـي-- اللي لهـم تاريـخ فـي كـل هيـه بديت بسم اللـي ينشـي الغيومـي=اللي عقل ليعقـوب يوسـف هديـه وقّف عن موسـى بحـور تعومـي=وبامره غرق فرعون ما أدرك وصيه وخلافهـا نبـدي بمـدح القرومـي=ربعـي لجتنـا البينـه والخفـيـه عيـال راشـد طيبيـن السلـومـي=اللي لهـم تاريـخ فـي كـل هيـه اللي على البل يشهدون الوسومـي=الرجل واللـي عنـد راس المطيـه معربيـن جـدودهـم بالقـدومـي=من يوم خلقو مـا خلطهـم هفيـه يوم الزمان اللي نظامـه هجومـي=مافيـه كـود السيـف والبندقـيـه كم فارسا طشـوه وأزرى يقومـي=يوم الحقـوق بنجـد توخـذ يديـه جبنا القوارة عند فـرك الخشومـي=ماهـي بطيـب ولا رفعنـا شكيـه من الرجال اللـي تسـد اللزومـي=رجالهـم بالكـون ينطـح سريـه من الضحى لين ادبحـن النجومـي=بيـن السلامـة والخطـر والمنيـه قالوا ترى ما فيـه عمـرا يدومـي=يـوم إعتـزو بالعـزوة الراشديـه وشبعت طيورا بالخضيراء تحومـي=منـا ومنهـم والنفـوس ابرحيـه وحدب النصور اللي تنط الرجومـي=شبعت نهار الكـون مثـل الضحيـه وعنها حديناهـم وشـدوا كظومـي=ولافيـه عيـب ولاعليهـم زريـه أبطال عقب أبطال ماهـم رخومـي=وزدنا عليهـم بالوفـاء والحميـه وحريبنـا لازم يصيـر مهـزومـي=كم فارسـا بالكـون عقنـا نويـه تاريخنـا بالمملكـة لـه رسومـي=يا ماخذوا من كـل جمبـه رعيـه والجار يكـرم عندنـا ومحشومـي=يزبنـون اللـي جــواده رديــه قدام ما يصيـر الزمـان محكومـي=وافيـن بـالإسـلام والجاهلـيـه هرجن على برهان ماهي وهومـي=يوم انها غـارات صبـح وعشيـه ولاني بحـال مفسريـن الحلومـي=اللي لهـم بالقلـب عشريـن نيـه ينطحك في وجهن سليـم الثلومـي=والخافي أسود شاربـا سـم حيـه يعطيك بلسانـه حسيـن العلومـي=واليا اتقيت الحقـك مليـون سيـه دنيـاك فيهـا مطعمـا ومحرومـي=وقت الرخـاء وإلاالليالـي قصيـه تـم الجـواب وبالصـلاة مختومـي=على شفيـع الخلـق سيـد البريـه ................. الشاعر مهل بن سرور الفريدي |
رد: عيـال راشـد طيبيـن السلـومـي-- اللي لهـم تاريـخ فـي كـل هيـه صح لسان الشاعر مهل بن سرور الفريدي قصيده جزله من شاعر جزل ولاهنت اخوي سلطان على النقل الجزل تحيتي |
رد: عيـال راشـد طيبيـن السلـومـي-- اللي لهـم تاريـخ فـي كـل هيـه صح لسان الشاعر ابو نواف ولاهنت على الاضافه |
رد: عيـال راشـد طيبيـن السلـومـي-- اللي لهـم تاريـخ فـي كـل هيـه صح لسان الشاعر .. ولاهنت على النقل قصيدة رائعة جداً نتمنى أن نرى جديد وقديم الشاعر / مهل بن سرور مع جزيل الشكر والتقدير لك على النقل المميز |
رد: عيـال راشـد طيبيـن السلـومـي-- اللي لهـم تاريـخ فـي كـل هيـه صح لسان الشاعر مهل سرور الفريدي وسلمت يدي الناقل سلطان الفريدي |
الساعة الآن 06:28 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir