مابين غيبته والزفرات وحضوري = جرحٍ تناما ومغرم حس في جوعه
دونه تعثر ركاب ويلتهب طوري = ويجرني للمفارق قل ينبوعه
يشرب وفايه ويرضي زمرة غروري = ويسامر الوجد فيني .. يشعل شموعه
ولو إتفقنا على الصامل من الشوري = تبقى إختلاف القضايا بضحك متبوعه
حاولت أقرب تفاصليه من شعوري = ولقيت به شي شد الفكر في نوعه
وشيدت له بالمحاني طيب وقصوري= يدخل على كيفه ويعزم به ربوعه
ولو ماهو اللي عليه البال مسروري = ماسقت نزف المشاعر يم موضوعه
من منبع الجود جده شيخ وصطوري = نص العرب يوم دوره تمشي بطوعه
أضحت مداهيله تسامرني شهوري = وناديت له يانديم الحال يافجوعه
يالمروي الضامي ويالمعتم النوري = منك وعليك الحنايا وفيك مفزوعه
شف دربك اللي مابين أقواس محصوري = لليوم فيه الورود البيض مزروعه
تجمع من الطيف ماتجبر به كسوري = وتنثر مع الواقع السجات واللوعه
عشب إنتظارك تيبس لك على زوري = مأحييت عرقه ولا هديت من روعه
وأنا سنين العمر من جرهد عصوري = والليل يأخذ من الوجدان قرطوعه
تلعثمت به صحاري التيه جمهوري = وضاعوا على دربه اللي دون مشروعه
مابين مفضوح في حاله ومستوري = أصوات قلبه على ذكراك مرفوعه
والصمت حكمه لكن ماهو بمقدوري = لاقست وزنك مع اللي شانت طبوعه
والكاهل اللي عليه العام ممطوري = غنى على الجره اللي فيه مطبوعه