القلب يابن عبيد من حره يفــــوح=وانته من اللي يشتغل بالمطافي
دقيت رقمك صح يا عزوة الروح=تسعه مكرر مع ثمانن مقافــــي
خبره قديمه مابها هرج ومــزوح=نوبن بطقم إنقاذ ونوبن إسعافـــي
أنخاك يابن عبيد قدام لا تــــروح=روحي فوات ولا تفيد المطافــــي
بأسباب غرون زاهي القد ممـلوح=وخده تمام البدر والجو صافــــــي
لو هو قريبن قلت نلقاه ما يــروح=مار البلاء دونه اوساع الفيافـــــــي
وصبرن تعدى الحد مافيه مصلوح=قال المثل بالضد نقصه يشافــــــي
ولي عادتن في كتم الأسرار ما أبوح=لكن حر الشوق جاب اعترافـــــي
أنوح نوح اللي سجع بأوسط الدوح=لولاي أسلي خاطري بالقوافـــــــي
وضحت لك قصة تعابير وشروح=عما يدور بخاطري والخوافـــــــي
وخطك يواسيني وأنا منه مشروح=في ساعتن خطك على القلب لافي
والحب يابن عبيد قبل النبي نوح=البيض وسط العش يرفاه رافـــــي

صح لسانك يابو فايز
ولاهنت و البيض وسط العش يرفاه رافي
نعم يرفاه مشكور على الاضافهالرائعه الجميله
تحيتي

المشاركة الأصلية كتبت بواسطة ابوحمد (المشاركة 256904) شاعرنا الجديد صح لساك على القصيده الرائعه وبأنتظار رد الشاعر البدراني شكراً على الاضافه لاهنت

المشاركة الأصلية كتبت بواسطة نايف بن مياس.. (المشاركة 256924) هلابك يا بو فايز وصح الله لسانك وراك يوم مريت ذاك اليوم كنت عجل ولله علموني وجيت يوم وصلت قالوا مستعجل ومشى وحياك الله باي وقت لاكن ترى ابو محمد مواعدني بجلسه عن قريب يقول لازم اطق روسكم ببعض

المشاركة الأصلية كتبت بواسطة غازى بن عجاب أبوزوايد (المشاركة 256925) صح لسانك يابو فايز ولاهنت و البيض وسط العش يرفاه رافي نعم يرفاه مشكور على الاضافهالرائعه الجميله تحيتي

المشاركة الأصلية كتبت بواسطة علي الجضعان (المشاركة 256941) الله الله يابوفايز صح لسانك قصيده راقت لي كثيراً ابوفايز تقول الله لايلومك ننتظر رد البدراني بكل شوق وتسلم على الاضافه