يارجل مانسيتك وانت يمكن نسيت =دام مالك لزوم الى نسيت معذور
وقتنا حكمته خل العرب لااغتنيت =صد من شان ما تنزار وألآ تزور
واكثر الناس مايبغا مدايح وصيت = والمراجل تبي رجل (ن) قوي وصبور
ماتجي بالتمني مثل ماقيل ليت =لو تجي بالتمني مالقيت القصور
كان كل ن يحوش المرجله كمبليت = لاطويل الشبور ولا قصير الشبور
كثر الله خيرك من طرفك انتهيت =علمتني تجاريب الزمن والدهور
في مدارس هل الحكمه كتبت وقريت=سلعة(ن) ماتباع بسوق اهلها تبور
ليتني قبل عرفك عن علومك دريت = كان ماازهمك بسمك فجتماع الحضور
شاعر(ن) في مجال الشعر اخذت وعطيت = ماجهل شعري الآ اللي فوسط القبور
وكان زليت في مدحة ردي وارتميت=ياالله اغفر ذنوبي يالعفو الغفور