:: ابيات لم تكتمل ::

تمايلت باغصانها تعزف على صوت الحمام=لاغنت الورقا لحن ! نومي تبعثر وانسرق
اضحك وانا ياصاحبي روحي بقايا من حطام=اخايل انجوم(ن)سرت واتوه مع برق(ن) برق
والبارق اللي غيمته هي الدواء للمستهام=تقفي وتقبل غيمته !! مايدري انه لي سرق

لم تكتمل ..

ياشحيح الوقت ياعمر التعب =ياتعب حالي على وقت ٍ شحيح
يازمان ٍ فات واحلامه لعب=ياخفوق ٍ في جروحه مايبيح
يالسان الصدق في وقت ٍ صعب=عن يمينه نار ويساره فحيح

المشاركة الأصلية كتبت بواسطة ؛؛ فهد الفريدي ؛؛

لم تكتمل ..

ياشحيح الوقت ياعمر التعب =ياتعب حالي على وقت ٍ شحيح
يازمان ٍ فات واحلامه لعب=ياخفوق ٍ في جروحه مايبيح
يالسان الصدق في وقت ٍ صعب=عن يمينه نار ويساره فحيح

صح لسانك ابو مشاري على هادرر
وبيض الله وجهك على هالمتصفح الرائع
تحياتي واعجابي لاهنت

صح بدنك يابو حمد .. ووجهك ابيض واعجابك يكفيني لاعدمتك ..

راح ظني بعيد وقلت له وين رايح=وكان خانك زمانك وين ودك تروح
ليه ياظن قلبي ماحفظت النصايح=تحسب ان قلبٍ مثل طبعك نصوح
كل شيً تظنه لاأكتشفته فضايح=وان ماتبت مادري ماأتعبتك الجروح
بالزمان اختلاف ورتم الاحلام طايح=وانت بين الامور الجاده والمزوح
التعبير ماترضي جميع الشرايح=لو مجرد معاناه ..وتداعي ...وبوح

ياصاحبي بعدك وقربك معاناة=دخلت في حبك متهات وابطيت
رغم اختلاف الأزمنه والمسافات=لاأبطيت عن شوفت اديارك تعنيت
في حيكم عاملت كل المحلات=امشي ولا جت لفت البيت لفيت
مع شارعك اخذت كل المطبات=عيني لبابك والتفت لاتعديت
متجاوزٍ تقاطعات وإشارات=ولا التفت مثل التفاتي بهالبيت

المبدعين
ابو مشاري
ابو وافي

بارك الله بدستور المجالس الذي يجبر على سادس الابيات !!!!
خلجات لم تكتمل هنا شكلا لكنها استعبدتنا مضمونا !!!
هنا تختلط الآهات والعبرات ، الاوضاع والاوجاع
هنا فن الابداع وابداع الفن!!
هنا صناعة الشعر بحرفية خرافية لوجود الموهبة والخبرة !!!
هنا ابيات لم تكتمل بل لم تكمل عمداً والا لم نكن لنراها هنا كشعلة الاولمبياد الابديه !!!
هنا لامجال لمن يخطو لاول مره!!!
شكرا لكما على الارواء
تحياتي

اتعذّر لجل حبك واتصبر=واحتسب طعن المهونه في ضلوعي!!
ورغم هذا لا استفيد ولا اتعبّر=ليه؟ مدري!! لو تزايد منك جوعي!!
كان قلبي لك مراية مير غبّر=حرّ هجرك !!او تأثر من دموعي!!
لو تمانع لو تجبّر لو تكبّر=والله اني عارفٍ كوعي وبوعي!!

مرحباً مليون ابو عبد العزيز
اضافه جميله صح لسانك مدد بلا عدد

ياطواري مجالسنا ضماد الجروح=ماتساعد على تخفيف نزف الجريح
لا اقبل الليل وبروق العواصف تلوح=آآآه لو مايصح الا الكلام الصحيح
وكل مالاح برَاقه نرا في وضوح=في دجى الليل لحظة كل وجهٍ كليح
نعرف الناس والقلب الغشش والنصوح=نكشف الدرب والجسر المعلق يطيح