|
:: الفرات العذب :: مجالس الفرده الشامخه .. طبتم وطاب اللقاء بكم .. متواضعه من الارشيف ومن البدايات ايضآ آمل ان ترتقي لسمو ذائقتكم تلبية ٍ لطلب بعض الاخوان بمجلس الشعر الخاص .. ((( الفرات العذب ))) هلا باللي اليا شفته اسافر في سماه غيوم=اتوه بعالمه واطرب اذا بأسمي يناديني تصدق لو تغيب الشمس أحسك لي بداية يوم=أنا فعلآ تنفستك واحسك في شراييني عطيتك خافقي لعبه تفضل العب بمظيوم=لعب فيه الزمن قبلك طواه وقام يطويني من انصاف الحلول اني احبك وارسمك بحلوم=تعال وخلها غربه عناوينك .. عناويني دخيل عيونك الخرسا .. هي الحاكم وانا المحكوم=حكمني رمشها الظالم ولا فكرت تعفيني أنا وان غبت عن عيني تراي امشي مثل منجوم=اتوه بخطوتي هايم ولأحدٍ به يقديني تعالي شوفي الخافق ضفافه مجدبه وسموم=تعالي يالفرات العذب انا عطشى بساتيني تعالِ نصد عن زحمة بشر كله ألم وهموم =نغني للقمر غنوه .. اناجيك وتناجيني |
رد: :: الفرات العذب :: اخوي / فهد الفر يدي صح لسانك وقيدمك جديد تقبل تحياتي |
رد: :: الفرات العذب :: ابو مشاري حياك الله وبياك ما اجمل هذا الارشيف وما اروع البدايات قديمك جديد لاعدمناك ياليت تطلعنا على مافي الارشيف من قصائد صح لسانك مليون ولايكفون وافيه يا وافي وبيض الله وجه من طلبها ومن لبا الطلب تقبل مروري واعجابي لاهنت |
رد: :: الفرات العذب :: صح لساانك مبدع كعادتك |
رد: :: الفرات العذب :: صح السانك على القصيدة الجزلة وقديمك يعتبر جديد عندنا تسلم على الاضافة الشيقه والجميله لانستغرب منك اعذب القصيد لأنك شاعر ومتمكن تقبل مني اجمل وأغلا التحايا بنتظار جديدك |
رد: :: الفرات العذب :: اخوى الشاعر القدير فهد الفريدي ابو مشاري حياك وبياك ابو مشاري وقديمك جديد عند محبيك ولاغرو والقائل ابو مشاري ولكن لي طلب إفتح الارشيف لمعجبينك وأطلعهم على الدرر أيها المبدع تقبل مروري وتحيتي |
رد: :: الفرات العذب :: أخي الشاعر المتميز / فهد الفريدي . دمت وسلمت .. وصحت كلماتك . تحيتي وتقديري . |
رد: :: الفرات العذب :: ابو مشاري صح لسانك لاعدمناك تقبل وافر التقدير |
رد: :: الفرات العذب :: اخوي العزيز صح لسانك وعلا شانك قصيده في منتدى الورعة |
رد: :: الفرات العذب :: ابو مشاري قديمك متجدد وابداعك متعدد اشكرك على هذه الفارهه وصح لسانك لاعدمتك ......... |
رد: :: الفرات العذب :: من أروح ما قرأت هذا المساء صح لسانك أخوي فهد ولا هنت على هذه الرائعة |
رد: :: الفرات العذب :: صح لسانك يافهد دئما تتحفنا بالقصائد الجزلة تقبل مروري |
رد: :: الفرات العذب :: ابو مشاري صح لسانك على هالابيات الرائعه وكما تعودنا منك .أنا وان غبت عن عيني تراي امشـي مثـل منجـوم الشطر . هل على ترا فيه شي بعد الوقت الفارق من البدايات حتى الابداع (مثل منجوم) هل انت مقتنع فيها؟ ادري بتقول مااقدر اغيرها.والا البديل كثير وانسب.... لا اقولك غيرها . لانها ليس فيها فارق زمني القصيدة جميله مر العصورر بصراحه ترا اذا جيت او طرا لك تجمع ديوان يجب ان يكون باأجمل هيئته ليتفظ به للتاريخ وسلامتك ... اما القصيده لذايقتي مستواها جيد امل منك الافظل.... انت شاعر لامحاله ولاكن قصايد البدايات قليلا ماتحفظ الا القصايد المميزه وعند تحديثها يحق ان ينشرها الشاعر كما يحلو له |
| الساعة الآن 05:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir