![]() |
سلمت العارض واهلها إخواني : طبتم وطابت أوقاتكم , ومنورين منتداكم . قبل يومين وفي هالاجازه مريت الرياض وزرت أبوفيصل وكان يردد : ( والله إني أدفع البشاير على مواجه ربعي ) ولاهي غريبه : عمار يا دار أبوفيصل ومنهاجه=قولت هلا والحجاج الطلق شاهدها ورثه من اسمه ومنطوقه وهدّاجه=وبل الجزاله وبارقها وراعدها أبوزوايد ونار المجد وهاجه=والناس دايم ضمايرها عقايدها لا جاه ضيفه يفزّ ويضحك حجاجه=طبع وجبلة شيوخٍ ذي عوايدها جدّه وخاله وتاريخ الفخر تاجه=مابه جديدٍ على السيره وخالدها جيته وانا ما شكيت الوقت واحراجه=ونفسي عن احراج كل الناس اعاندها لكن زيارة وصل تقدير ومواجه=ويكفي المجالس فخر هذي فوايدها |
رد: سلمت العارض واهلها صح السانك ابو عبد السلام.. وهذا دليل على طيب ابو فيصل وهو من الناس التي نفتخر بهم في المجالس الفردة او خارجها... كتبت اجمل واعذب الشعر في شخص يستاهل كل المحبه والتقدير ..ومراقبنا العزيز ابافيصل تقبل مرروي وتقديري لك على قصيدة الوفاء |
رد: سلمت العارض واهلها ابوعبدالسلام بيض الله وجهك وصح لسانك وافيه من شاعرٍ جزل ووافي وهذا والله من طيبك لاعدمنك وابوفيصل يستاهل كحيلان المدح رجل حاز على علوم الرجال الطيبه كلها لاعدمناه شكراً نواف لافض فوك |
رد: سلمت العارض واهلها صح لسااااانك ننتظر جديدك |
رد: سلمت العارض واهلها طيب المشاعر دليل الصدق وسراجه=والشعر تعبير عنها في مقاصدها مايدخل القلب منها صعب مخراجه=والعقل مفتاح صادرها وواردها نواف قلت الحقيقه دون ديباجه=من طيب ذاتك وطيب اللي امقالدها كلامك وروعته ما ازيد به حاجه=الا ما عددت من بيضٍ اعددها تسلم على نظم عوبٍ تفرض الباجه=على الذي مر لكن ماجذب يدها مشكور يا مشيّد الاسوار وابراجه=ويستاهل المدح ساكنها وسيّدها |
رد: سلمت العارض واهلها اقتباس:
وابو فيصل يستاهل المدح ونعم الرجل فهو بحسبة لاخ الكبير حيث تربطه علاقة بالوالد علاقه قويه ومعزه لا اكلمه الا يلح على الزياره والمعرفه اكثر لأبنا القبيله لاخلا ولاعدم يابو فيصل وبيض الله وجهك يابن فارع .. سلمتم ودمتم مع اجمل تحية |
رد: سلمت العارض واهلها صح لسانك اباعبدالسلام نظمت فأبدعت فأجدت وابوفيصل غازي بن عجاب ابوزوايد الفريدي يستاهل يستاهل يستاهل راعي هلا ومرحبا الشعر مايوفي هذا الرجل حقه نواف فارع أشكرك على التواصل مع ربعك وطيب مشاعرك والفريد صح لسانك على المجاراه الممتعه أمتعتونا والذي حلآها أنها في غازي دمتم بود وهذا مروري وتسجيل أعجابي |
رد: سلمت العارض واهلها صح لسانك ابو عبدالسلام على هذه القصيدة ويستاهل ابو فيصل هذا المدح وهو يغني عن التعريف سلمت وسلم راسك علي الابداع |
رد: سلمت العارض واهلها مراقبنا القدير : أبوصالح .. صح بنك .. ولاهان معدنك . ودمت بروعة اسلوبك .. وكلماتك . تحيتي وتقديري . |
رد: سلمت العارض واهلها مراقبنا المتميز : أبوحمد . لاهنت .. ووجهك أبيض . وصح بدنك . وسلم مرورك وحضورك . تحيتي وتقديري . |
الساعة الآن 12:24 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir