|
عباة الكتف !!! بسم الله الرحمن الرحيم ليس من رأى كمن سمع .... ويسعدني نقدكم وملاحظاتكم اللي عباة الكتف من فوق متنه=سوادها ما اخفى لهيب الذوايب!! هو يدري انه للمخاليق فتنه=وانه بنظراته عطيب الصوايب وانه بصوتٍ فيه رقـّه ولتنه=يسلب عقول الناس حاضر وغايب وانه يجي للسوق دايم بـ حتنه=وان بالقلوب اللي تحرّى لهايب!! وان له مكانٍ فيه مكتوبٍ..اتنه=وليا وصل مرّت صفوف وكتايب وعند انتهاء(عرضه)يصوّت لـ نتنه=سواقه الهندي لعين الصلايب!! ...... |
رد: عباة الكتف !!! قصيده غزليه فاتنه صح لسانك ابا عبدالعزيز لاهنت ياغالي |
رد: عباة الكتف !!!
|
رد: عباة الكتف !!! اخوى الكبير بقدره خلف بن عتاق الفريد صح لسانك اباعبدالعزيز وفعلاً ليس من رأى كمن سمع لاهنت لاهنت على الاضافه الجزله كما هي عادتك اعجبني وصفك للموقف ولابارك الله بالهندي تقبل إعجابي بشعرك وشخصك تحيتي |
رد: عباة الكتف !!! مشاعر .. وأحاسيس رائعة . صحت معانيك . شاعرنا القدير / أبوعبدالعزيز . تحيتي وتقديري . |
رد: عباة الكتف !!! قصيده جمعت الجزاله والطرافه وتحريك القلوب الخضر الله الله الله يابوعبدالعزيز دوبك علينا مع هالبرد ذبحتنا بها الوصف صح لسانك وعلاشانك وعسنا ماعندمك تقبل أجمل التحايا |
رد: عباة الكتف !!! هـــو يـــدري انـــه للمـخـالـيـق فـتـنــه=وانـــه بنـظـراتـه عـطـيـب الـصـوايــب صح الله السانك ابو عبد العزيز على القصيدة الجزلة التي لها طابع خاص عندي اشكرك عدد احرف الكتابة على الاضافة لنا هنا تقبل مروري وخالص محبتي وتقديري بنتظار جديدك هههههه:176::176::176: |
رد: عباة الكتف !!! ابو عبدالعزيز صح اللساااااااانك ولاهنت وسلمت ودمت وااااافيه من راس واااافي جزل كما عودتنا لاعدمتك |
رد: عباة الكتف !!! اهل القلوب الخضراء والمشاعر الورديه ابو حمد ، الغاليه ريم ، ابو فيصل ، ابو عبد السلام ابو عمر ، ابو صالح ، ابو مشاري لا الومكم على هذه المشاعر الجياشة وليس عندي شك ان اول ماجذبكم هو العنوان هههههههه اعانكم الله على هذه القلوب :144: على كلٍّ قد وصلتني رسائلكم من خلال حروفكم واعجابكم كما اسعدتني ثقتكم الكبيره كالعاده ... وهنا تستعصي الكلمات اما فيضكم الاخوي وحبكم الدايم صحت ابدانكم وقلوبكم لاعدمتكم... العود ......... |
رد: عباة الكتف !!! هو يدري انه اللمخاليق فتنه = وانه بنظراته عطيب الصوا يب ابو عبد العزيز دوبك على الشباب واللي قلوبهم مازالت خضر وانتبه من العودة لسوق مره ثانيه خذ الحذر انت مبدع في جميع مواضيعك لك تقديري |
| الساعة الآن 09:01 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir