سبحان من يعطي ويمنع عطاياه=وليا عطا عبده جزيل الوهايب
والقانع المحروم دايم برجواه=بابه وسيع ولا شكى منه خايب
وما قدّره في حكمةٍ منه نرضاه=دايم مع المكتوب مخطي وصايب
هو صاحب القدره تعالى هو الله=اللي خلق من بين صلب وترايب
وانا دعاني غاليٍ لاعدمناه=الشيخ عبد الله عن الكل نايب
وفرحة سند يوم اكرمه صاحب الجاه=يفرح بها كل الاهل والقرايب
واياعساها اول شموعه بدنياه=ومن بعدها تكثر جنود وكتايب
لجله عزيز وتفعل الطيب يمناه=ومن بيت عزٍّ شيّده راس شايب
خصلة جواعينٍ حرارٍ مسماه=اهل المواقف يوم وقت النشايب
وختامها ماهل ّمزنٍ نثر ماه=صلوا على خير البشر والحبايب

اخوى الكبير بقدره
خلف بن عتاق الفريد
نعم لم تأتي بجديد فطبعك الوفى وديدنك الجزاله
بمحافل ربعك متواجد وحظورك مشرف فلله درك
وعيال عمنا الجواعين يستاهلون لاهنت ابا عبدالعزيز
تحيتي