![]() |
عيد سعيد ... بسم الله الرحمن الرحيم في عيد الاضحى المبارك الماضي كنت كالعاده حاضراً لمعايدة اقاربي (الفريدات) خلال احتفالهم السنوي في قصر الطراق للاحتفالات ، فقال أحد الحضور: من نظراتك يابو عبد العزيز عندك شيء ، فقلت : عيدٍ سعيد وياعسى العيد مبروك=وعسى السعي مقبول في كل عامي اسعد اوقاتي والمباخر لها صوك=شوفة ربوعي شامخين المقامي ولا صرت ياقلبي للاحباب مملوك=اظهر لهم ودك وتلقى احترامي هذا ولد عمك وعمك وذا اخوك=هم السند وانته لهم كالحزامي ماعمرهم على اشهب اللال حدوك=ولا سمّعوك اقسى العتب والملامي ان جيت فرحوا بك وهلّوا وحيوك=وان غبت عنهم ما الحقوك السهامي ولا عمرهم مابين الاجناب سبوك=دايم يحطونك بعال السنامي ولا عددوا عنك الخطيات واذّوك=لو انها كثر الجراد التهامي ورجلٍ بلا عزّة كما الطير مشبوك=ورجلٍ بلا عزوة حياته عدامي وانا احتزمت بلابةٍ مابها شكوك=ربعي عيال العود فدّ الزحامي اهل المقام الصلف لادكّ داكوك=واهل الكرم والطيب وقت السلامي والا الردي بابه عن الجود مصكوك=وعن المعالي عيشته بالظلامي تسمع قراميضه قبل يفتح البوك=بس يتلفت كن حوله حرامي واليا اطلع رياله بالابهام مفروك=الشح صاطٍ به لعين الرسامي جتكم ابياتٍ كنها التبر مسبوك=هديةٍ ياهل الوجيه الحشامي |
رد: عيد سعيد ... اخوي الكبير بقدره خلف بن عتاق الفريد صح لسانك ابا عبد العزيزويستاهلون الفريدات وانت عادتك الوفى للقريب وابناء عمك وقبيلتك تحيتي |
رد: عيد سعيد ... ورجـلٍ بـلا عــزّة كـمـا الطـيـر مشـبـوك ورجـــلٍ بـــلا عــــزوة حـيـاتــه عــدامــي المصدر : http://www.alfredah.net/forum/thread...#ixzz1oM7tpDHi ما أروع المعاني وأصدق الكلمات تشدو بها بين اهلك وربعك وذويك صح لسانك وسلم راسك ابو عبد العزيز تقبل مروري |
رد: عيد سعيد ... ابوعبدالعزيز صح لسانك وافي كاعادتك الجزاله والحضور المشرف للقبيله كلها عساك دايم باالوجود تقبل تحياتي |
رد: عيد سعيد ... صح لسانك .. أبوعبدالعزيز . أبيات رائعة .. ومعانٍ فريده . عاد عيدكم على العز والمعزه . تحيتي وتقديري . |
رد: عيد سعيد ... وانا احتزمت بلابةٍ مابهـا شكـوك ربعي عيال العـود فـدّ الزحامـي اهل المقـام الصلـف لادكّ داكـوك واهل الكرم والطيب وقت السلامـي المصدر : http://www.alfredah.net/forum/thread...#ixzz1oHG53hoz أبوعبدالعزيز صح لسانك و نعم بالمادح والممدوح تقبل مروري |
رد: عيد سعيد ... والله والف نعم بالفريدات يستاهلون المدح والقصيد وصح لسانك يابو عبدالعزيز وافيه ياوافي لاعدمناك وقفاتك الشامخه ووفائك المعهود مع ابناء القبيله عامه لايستغرب سلمت ودمت تقبل مروري واحترامي لاهنت |
رد: عيد سعيد ... ونعم بالفريدات واولا راااشد جميعا وصح لساااانك واعتلى شااانك اخي الغالي ابو عبدالعزيز وتقبل مروري وشعوري مبرهن بسطوووري .... |
رد: عيد سعيد ... استاذنا القدير ابو عبدالعزيز والله والنعم بالفريدات صح لسانك واعتلا شانك قصيده جزله من شاعر جزل تقبل فائق تقديري |
رد: عيد سعيد ... ونعم في الفريدات ونعم فيـــــك ابو عبد العزيز وصح السانك يستاهلون المدح ونت تستاهل كل خير رائعه جداً لايكتب مثل هذه الوصف الى من هو في مقامك شعراً وثقافة وبداع تقبل مروري ودام الله عليكم افراحكم واجتمعاتكم |
الساعة الآن 06:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir