ياجامع الثنتين علم وجداره=اجمل تهاني من رفيقٍ يودّك
اخذتهن بالمرجله والجساره=ومن راس ابوك وراس خالك وجَدّك
كلٍّ على قدره يكون اقتداره=وانته يابو ياسر ..بعزمك وجِدّك
اما مجال العلم عندك نداره=ولو تكبر الصعبات ما باح سدك
اليوم ترفع ماجستير بشطاره=ورسالة الدكتوراه منها تشدّك
واما الجداره ياسليل النماره=اخذتها باسباب صدقك وكدك
دخلت مضمارٍ يثوّر غباره=وطلعت من بين الاصايل بجهدك
وكفوٍ لها يوم اعتليت السفاره=حرٍّ تشرّف يوم يرجون هدّك
ولا هانوا اللي كرموك بصطاره=ولا هانوا ضيوفك ولا هان خدك
قصر المعالي صار مثل المناره=تواردوه اللي يكنّون ودك
ما جابهم غير الوفا واعتباره=ويدرون عن قدر المحبين عندك
واقبل تحياتي وصدق العباره=وان قصّرت يكفيك قلبٍ يودك

وافي وافي
يابو عبدالعزيز وعادتك الوفى لربعك لاهنت
ويستاهل محمد بن سعد العفري المدح
شكراً لك الاضافه الرائعه
تحيتي