![]() |
يا مرحبا في جيّتك يالنايب الشهم الوقور هذه قصيدة للشاعر الاعلامي العلم : رشيد الفريدي القاها في الحفل الذي اقامه الشيخ : عبيد الرعوجي الفريدي احتفاءً بصاحب السمو الملكي نائب امير منطقة القصيم الامير الدكتور فيصل بن مشعل الشعر ديوان العرب يبقى على مر العصور=مهما الظروف القاسيه تبرك عليه بزورها والشعر نهرٍ من ذهب ينبع من اعماق الشعور=يصوّر احوال البشر باحزانها وسرورها ما كل طيرٍ له جناح يعانق اسراب الطيور=ولاكل شاعر لاقصد للناس هز شعورها ابذكر الله واشكره واطلب من الرب الغفور=انه يبارك ليلةٍ فيصل سعدها ونورها ليله لايمكن تنّسى .. فيها السعاده والسرور=نفخر بها بين العرب والبل نفج نحورها سلام احلى من العسل واطيب من انفاس الزهور=اعداد ما دار الفلك با يامها وشهورها يا مرحبا في جيّتك يالنايب الشهم الوقور=قلوبنا لك بالغلا دايم تفوح ازهورها ويا مرحبا ترحيبةٍ تضفي على كل الحضور=اسوقها باسم الرجال اللي طوال شبورها جيّتك يا وجه السعد ما تعتبر لحظة عبور=تسعد قبيلة حرب في جيّتك يوم تزورها انت الامير ابن الامير اللي ما يقبلك الغرور=دكتور علم ومعرفه والكايده دكتورها وانت الفرج في جيتك والقلب لا اغلاك معذور=يا كثر ناسٍ بالغلا منزلك جوف صدورها مع التواضع والكرم رجلٍ على دينك غيور=من حكمتك ماتستمع عميان الارياء وعورها مبداك حسن الظن والانصاف في كل الامور=في دولةٍ بين الدول نهج النبي دستورها والحلم نهجك ياسمي السيف لايمكن تجور=الله يجيرك من صواديف الليال وجورها واقبل تحيةٍ شاعرٍ ماهو على بند الاجور=يختار من جزل المعاني مايجيب قشورها انتم محازم عزّنا وحنّا الرصاص اللي يثور=بالحرب حنّا دروعكم والحرب حنّا نمورها حنا جنود امن الوطن والاسم والفعل مخبور=على حدود ارض الوطن نحفر للاعداء قبورها والله يعز المملكه وانه يجنبها الشرور=ويحفظ لنا حكّامنا ستر البلاد وسورها |
رد: يا مرحبا في جيّتك يالنايب الشهم الوقور صح لسان الشاعر والاعلامي القدير رشيد بن محمد الفريدي ولاهنت مشرفنا القدير اباياراعلى النقل والنشر عاداتك نشر الجزل الجميل من شعراء القبيله تحيتي |
رد: يا مرحبا في جيّتك يالنايب الشهم الوقور صحت معاني الشاعر القدير / أبوعبدالإله . بجزالة المناسبة وضيفها وأهلها وحضورها . أبويارا : دمت وسلمت على حسن وروعة النقل والاختيار . وتقبل تحيتي وتقديري . |
رد: يا مرحبا في جيّتك يالنايب الشهم الوقور صح لسان الشاعر رشيد الفريدي ولاهنت يابو محمد على النقل دمت بالوجود تحيتي وتقديري |
رد: يا مرحبا في جيّتك يالنايب الشهم الوقور كنت حاضرا ولي شرف التواجد ولقد سمعتها مباشرة من صاحبها وزادها جمالا ان ابا عبد الاله طلب الاذن بغنائها وقد فعل درة فخمة وباذخة في كل شيء لانها من قامة كبيرة شهادتي باخي مجروحة ولكن صح لسانه مليون.. ،،، ابا يارا نقلت جميلا وفعلت معروفا شكرا لك لاعدمتك ........... |
رد: يا مرحبا في جيّتك يالنايب الشهم الوقور صح لسان أبو عبدالإله جزلة من شاعر جزل |
رد: يا مرحبا في جيّتك يالنايب الشهم الوقور لكم جميعاً خالص التقدير ووافر الاحترام على هذا المرور العاطر |
رد: يا مرحبا في جيّتك يالنايب الشهم الوقور صح السان الشاعر رشيد الفريدي قصيدة ابدع بها تعودنا من هذا الشاعر جزل الشعر وعندما تغنى بها في الحفل اعجب بها الجميع شكراً ابو يارا على المتابعه المستمرة لكل جديد اشكرك على الجهود الرائعه بنتظار جديدك وجديد شعرائنا |
رد: يا مرحبا في جيّتك يالنايب الشهم الوقور واقبل تحيةٍ شاعرٍ ماهـو علـى بنـد الاجـوريختار من جـزل المعانـي مايجيـب قشورهـا المصدر : http://www.alfredah.net/forum/thread...#ixzz1nnVhHTs5 صح لسان ابا عبدالاله عودنا على الظهور المشرف لاعدمناه الف شكر ابا يارا على ايرادها لاهنت |
رد: يا مرحبا في جيّتك يالنايب الشهم الوقور نعم نعم الاختيار اختيارك يابا يارا بيض الله وسلم بنانك وصح السان الشاعر القدير رشيد محمد |
الساعة الآن 06:40 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir