لي لابةٍ يامن لها كل خايف=لاجا نهارٍ فيه مثل المشاهيب
اليا احتمت مايرتضون النصايف=دون الشرف والروح مثل المشاذيب
اولاد راشد والعزاوي صلايف=عوق الخصيم مدلهين الاجانيب

اولاد راشد اللي على الهوش جسرين =ليا فرّعن مرودعات الشفايا
وردوا على السلمان ربعٍ ضريرين =أولاد راشد متلــــفين المطايا
وفرّق قطين الجو وراحوا معيفين =يبكون شيخ ٍ يوم دعـته المنايا

أفعالهم كما البدر ليلة الدجى = ليا ولعت روس الفتايل نارها
لهم ماقفٍ مثل الجبال الراسيه = عز الضعيف كبارها وصغارها
يوم الفراوي شاف غدر الدنيا = جاهم وكلٍ قام جاب خيارها

ندبني الوسوس يبي جزل الابيات=في مدح ربعي كاسبين الجميله
اهل سديد الراي في كل مافات=موحدين الله حماة الفضيله
نار ٍ على العدوان جنة لمن جات=تبي النجاة بمحتمين الدخيله
ربعي من اللي ذكرهم حي مامات=لا جا اللزوم اتشوف فعل القبيله
اعيال راشد لابدن الملمات =أيدينهم صوب المعالي طويله

قبيلتي يا ويّها من قبيله..=..كان القبايل جنبت عن ولاها..
قبيلتي حرز القلوب الذليله..=..لادورت حمر المخالب عشاها..
يتلون ابن حماد شيخ القبيله..=..قواد نمراً قادها وإحتماها..

حنا عيال العود نعم البديده =أولاد راشد مقحمين القتالي
ومداتنا للجار ماهي زهيده =نسوق له وضح النياق المتالي
قول الفراوي شاهدٍ له قصيده= جانى فقير وراح في راس مالي
عن فعل ربعي قلت جمله مفيده=وباق الفعول يضيق منها مجالي

اولاد راشد شرهم بالعتامه=اولاد راشد لاعوا الذيب للذيب
يتلون ابن حماد شيخ الجهامه=شيخ القبيله ماهي شيخة مناصيب
اهل الرفاف الواسعه والفخامه=وساع الصحون مربحين الجلاليب

من روس قوم ٍ احياض المــــوت يردونه=قوم ٍ تخض الــمـعـــارك ثـــم تطب إبها
اعيال راشد كـــعــــام اللــــي يـعـادونـه=لا ثار دخـــانها وشـــانـــت مـشــــاربها
كم شيخ قوم ٍ نهار الــكــون يــــثـــنونــه=عن شف مــا راد يـنـــدم مــــن عواقبها
يا خذ إلى الحول بالــهــوده وبـغــــبونــه=ويكمل العـــمر ما طـابت صـــــــوايبها
علقم كبود ٍ وكــاس الــمـر يــسـقـــونـــه=لا شان فــــيـــــها اللغاء وشبت حرايبها
وبالشان الآخر لهم ســـلــم ٍيـــســنـــونـه=سلم ٍيــعزالقـــبـيـــلــةمايـــعــــذربها
للجار بلسم أجراح ولا يــقــاصــــونـــه=ينعم بحــــق الـــجــــوار اللــي مـناسبها
والجار يدله وعن ربــعـــــه يـعـــزونـه=ما كنه الا قــــريب ومـــــن قـــرايـبــها
واللي تهقوا بهم ما تخـــلـف ظــــــــنونه=ما ظــــن يلـــقـــاه وفـعل الطيب يجذبها

اهل العتامه بالظفر والسطوه=وقوم ٍ تحاربنا ماهي مرحومه
باولاد راشد لا اعتزا واحدنا=نقوم قومه ماوراها قومه
ونصير لجل العزوه من اقصانا=تقول جيش لدولةٍ محكومه

ذي دار اخو نمشه حماها عن البوق=كم طامع ٍ مـن هيبتـه ماوصلهـا
زيزومنا واولاد راشد كما الطـوق=يضرب بها روس العدى ويعزلهـا
ربع ٍ عن الهفوات في راس شاهوق=وان عاندت بعض الخشوم تعدلهـا

ربعي وابفخر وافتخر قدر وإعجـاب=ومن لافتخر مثلـي بربعـه حثالـه
والمدح باللي يرفع الـراس ماعـاب=والصمت والإنكـار ذنـب ورزالـه
عاش الفريدي لانحنت روس وارقاب=عانق شموخ المجد لو هـو لحالـه