غالي .. وتكريمه من رجال غالين=اهل الوفا والطيب والاعتبارا
اخوّةٍ تبنى على الود والزين=وعلى المحبه والنقا والوقارا
ويامكرمين اللي تزين بتاجين=الرايد اللي بالنقا مايبارا
ابمدحه لو هو عن المدح به دين=جتني قواف الشعر مثل المهارا
مدح المجرّب والمعاني عناوين=ولا عادتي امدح وقصدي امّارا
بالمرجله .. خلاّ الصعيبات صفين=صفٍّ على يمينه وصفٍّ يسارا
وبالطيب .. يبذل مهجته للمحبين=ماهو من اللي يكثرون العذارا
وله فزعةٍ نحطها بين قوسين=ما اقدر افرّق بين "نخوه" "ويارا"
وليا تعامل .. مايتعامل بوجهين=نهج الصراحه في سلوكه جهارا
ولا هي غريبه منبته بين نهرين=منهل خواله والعمام الحرارا
وانتم لاهنتم يالمعازيب وافين=تشهد لكم "تالين" قومه وكارا
تالين!! لاوالله اللي منتم بتالين!!=الاوّله عنوانكم والشعارا!!

تالين!! لاوالله اللي منتم بتالين!!

الاوّلـه عنوانكـم والشـعـارا!!

اخوى
الكبير بقدره
خلف بن عتاق الفريد
صح لسانك وفّيت وكفّيت ولاهنت
وابا يارا منصور بن محمد الوسوس يستاهل
المدح ويستاهل كل خيرونعم فيه من خيرة ربعنا الله يطول
عمره على الطاعه وانت عادتك الوفى
تحيتي

تالين لاوالله منتم بتالين


نعم نعم وكفو
صح السانك
لاهنت ياعظم العرب

سلم المادح والممدوح
قصيدة تعلو حروفها تيجان الوفاء
سلمت لنا عمنا العزيز