|
جدّد شبابك ... جاءني مستشيراً ... فكان هذا الجواب المتواضع !! ان طعتني .. كان المشوره صحيحه=هذي يميني حط كفك بكفّي جدّد شبابك .. واعتبرها نصيحه=العمر يامال السلامه مقفـّي !! واعرض عن المترديه والنطيحه=وضح النقا .. ماهو زواج التخفي!! واعلن صراحه للوجيه الفليحه=الصيف لبسه بالشتاء مايدفي!! " شفّي من الزينات خطو المليحه=يالله تحقق لي مرادي وشفي" هذا جوابي والمعاني صريحه=وياقل منهم واقفينٍ بصفّي!! وكان انت ماتصبر على كل صيحه=ترى حلالك يابن عمي يكفي!! |
رد: جدّد شبابك ... صح الله السانك وعلى الزواج عانك واليدان الميدان؟ والشاوري بالكيس؟ |
رد: جدّد شبابك ... ابو عبدالعزيز تبي تفتح باب على بعض الربع اللي يقولن ام فلان وبس ههههههههههههههه صح لسانك وعلاء شأنك ولاهنت وارق سنود وابشر بالعانيّه من هالحين . يبقى لقصيدك بصمته الخاصه تحيتي |
رد: جدّد شبابك ... والله انها تهيض هالقصيده عطيته الراي السديد بيض الله وجهك وصح لسانك وعلى قولة ابو فيصل ارق سنود وابشر بالسعد |
رد: جدّد شبابك ... هههههههه صح لسانك يابو عبدالعزيز ايها العملاق شاعر لايختلف عليه اثنين انا طالبك لاتردني ان تستبدل الشطر (مالك ومال الساقطه والنطيحه) الى (وأعرض عن المترديه والنطيحه ). لكي يكون المثل كما هو والإستغنى عن الكلمه البديله لانها لاتليق بالشعر من وجهة نظري والذي جمعنا هنا بدون ميعاد ليس نقداً ...وجل من لايسهو وانت فوق النقد يابو عبد العزيز دمت بصحه وعافيه |
رد: جدّد شبابك ... صح لسانك .. أبوعبدالعزيز .. ودام تواجدك بهذا الابداع والتميز .. تحيتي وتقديري . |
رد: جدّد شبابك ... ههههههههه صح السانك ابو عبد العزيز رائع وانا أشهد أنك عطيتة ((الجواب الكافي )) والبقية هنا يستفيدون من الاستشارة الرائعه تبقى شاعر جميل ورائع :074::074::074: صح السانك مليووووووووووووون |
رد: جدّد شبابك ... وكان انت ماتصبر على كل صيحه ترى حلالك يابـن عمـي يكفـي!! |
رد: جدّد شبابك ... هههههههههههههههههههههه وين يالربع وين وين :160: وكل اناء بما فيه ينضح :168: ،،، لاتبلشوني جزاكم الله خير هههههه الموضوع رجل عزيز شرواكم يستشيرني بزواج المسيار فكان هذا جوابي وانا مالي دخل بالموضوع ،،، كما ان جوابي ليس تحريض جزاكم الله خير ... ،،، سعدت والله بمروركم ورائع شعوركم ... انتم جمال وكمال شعري وفخري ... ،،، صحت ابدانكم ومشاعركم .... |
رد: جدّد شبابك ... اقتباس:
اقتباس:
حياك الله ابو وافي وصح بدنك وشكرا على ثقتك باخيك ... ،،، اما طلبك ياولد راشد مايرد والله وابشر بعزك .. واسمح لي بتوضيح بسيط : المترديه والنطيحه وردتا في آية قرآنيه ، ومعنى المترديه الساقطه ،اي التي سقطت من علو فماتت .. وكان هذا المعنى الذي قصدته ليستقيم الوزن ولانها الكلمة المرادفه ... ،،، واعوذ بالله ان اعني بالساقطه المعنى الآخر لانني لا اتهم المحصنات ... ،،، اما النقد اخي الكريم فمن يرى نفسه فوقه فهو لاينظر للاعلى !! فاهلا بالنقد فما انا الا شاعر يحاول شق طريقه وانـتم شموع دربه .. ،،، اشكرك على صدق المشاعر لاعدمتك ..... |
| الساعة الآن 10:55 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir