![]() |
((صـــــوت وصـــــدى)) هذه أولاً قصيدة الشاعر محمد بن شعيبان الفريدي يامل قلبٍ وارد الهم ساقه=سوق الخيال اللي لبرقه ترفراف على الرفيق اللي صعيبٍ فراقه=سدحان محمود السجاياء والاوصاف نعم الرفيق اللي يشرف نطاقه=لكل علمٍ يرفع الراس ميلاف غير الوفاء مافيه موضوع شاقه=دايم على الجزله شفوقٍ ومزهاف كنت احسبٍ مالي على الصبر طاقه=بعده لاكن الله رحومٍ ورواف وهذه قصيدة الشاعر رشيد محمد الفريدي يابو حمد فتحت للحزن طاقه=وانا منول ماعلى قلبي خلاف خليت للحزن الدفين اصطفاقه=مثل اصطفاق النار في راس مشراف ذكرتني سيرة صدوق الصداقه=نجمٍ لمع ثم غاب ماعاد ينشاف ذكرتني سدحان عز الرفاقه=يوم ان رفقة بعض الاقراب تنعاف سدحان منبع طيب ماهو علاقه=ولاهو من اللي طيبه ارباع وانصاف فيه الجزاله والوفا واللباقه=وفيه الرجوله والتواضع والانصاف كريم يمنى وفي حجاجه طلاقه=ماهو من اهل البخل والمنطق الجاف ياعزتي لاهل القلوب الرقاقه=اللي لابو سلطان يغلون باسراف مضرب خبر فرقاه مثل التفاقه=لاساقها الرماي من بين الاكتاف قلبي على فرقاه كن احتراقه=مثل احتراقه في خبر موت نواف ثم هذه مجاراة للشاعر حماد مريزيق اسمع نبا اللي عالي الرجـم واقـه=ماهو طرب مصدر نبا كل غريـاف عديت به وركـود قلبـي شفاقـه=آخذ مع الهوجاس توقه ومحـراف يابو حمد زودت جرحـي غلاقـه=القلب من بعض الطواريق ينـلاف ذكرتنـي حـراً غدتبـه سراقـه=دنياء الفنى اللي فرقت قبلنا اسلاف سدحان شيـال الثقـل والوساقـه=لومرني ذكره مع الريـح ماطـاف اللـي ضحـا فرقـاه مـرٍ مذاقـه=معي لبو سلطان رفقـه وميقـاف رحم الله ابوسلطان ورحم الله شقيقي نواف ابا خالد ووالدي واموات المسلمين |
رد: ((صـــــوت وصـــــدى)) الله يرحم سدحان،،، إبداع شعري لعمالقة الشعر،،، أطال الله في أعمارهم شكرا ابوحمد |
رد: ((صـــــوت وصـــــدى)) صح لسان الشاعرين العلمين ابا فهد وابا عبدالاله رحم الله سدحان ونواف وغفر لهما واسكنهما فسيح جناته وجعل قبرهما روضة من رياض الجنة وجميع اموات المسلمين شكرا لك ابا حمد على المتابعة والاهتمام والتميز الذي انت من اهله تقبل صادق الود |
رد: ((صـــــوت وصـــــدى)) صحت معاني الشاعرين .. ورحم الله سدحان وجميع موتى المسلمين بواسع رحمته وغفرانه . وأطال الله في عمرك أخي المتميز / أبوحمد . وجميع الإخوة . وتقبل تقديري . |
رد: ((صـــــوت وصـــــدى)) فالح السدحان شكراً على المرور لاهنت |
رد: ((صـــــوت وصـــــدى)) ابو يارا اسعدتني بمرورك لاعدمتك |
رد: ((صـــــوت وصـــــدى)) التميز في مرورك وتواجدك ابو عبدالسلام لاهنت |
رد: ((صـــــوت وصـــــدى)) آمين الله يرحم أطلبك بهذا اليوم الفضيل يوم الوقفه السبت 9-912-1432هجريه وصح لسان الشاعرين مرثيه تحرك الأشجان في أثنين لهم في قلبي معزه خاصه الله يرحمهم رحوة واسعه ويجعل قبورهم روضه من رياض الجنه ابوحمد الف شكر على الأضافه وسوف أقوم بتثبيتها تقبل أحر عزائي وتقديري |
رد: ((صـــــوت وصـــــدى)) الموت يالاجواد مرٍّ مذاقه=على الكبود اللي معاطيش وارهاف وحرارة الفرقا شديدٍ احراقه=وتذكـّر الغالين كم بيّح الخاف يابو حمد لاهنت قدمت باقه=ومشاعر الوافين مثل الذهب صاف والله على سدحان فينا شفاقه=وفينا على نواف والقلب ميلاف لكن امانينا اسلوكٍ دقاقه=ماهي عن المكتوب ترفع لنا اكناف بس الامل دايم قريبٍ اشراقه=عسى الخلف يمشون بدروب الاسلاف والله يحل اللي طويلٍ افراقه=وحنا على دربه لنا صوت وارجاف |
رد: ((صـــــوت وصـــــدى)) |
الساعة الآن 12:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir