قال الذي يملك على الشعر ترويض=اللي يصوغ القافيه من غرضها
حرٍ مجهز للهدد باخر القيض=تطرب جناحين السعد لا نهضها
ماله هدد كان الحباري مرابيض=عشقه مذيرة الضحى يعترضها
لو كان لي نيه عن الشعر تعريض=كلن يحاسب كلمته لا لفضها
قد لي سنه وانا كتم الغيض وايفيض=اشوف لي ناسٍ تزايد مرضها
اللي لهم خلف المقفي مراكيض=كلٍ درى فيها وكلٍ لحضها
صديت عنهم باول الوقت تغميض=عوايدٍ للنفس تدمح غمضها
لاكن تمادوا واصبح الوضع تحريض=هذا يداريها وهذا فرضها
والصوره اللي باينه دون تحميض=راع المواثيق القديمه نقضها
واليوم ما والله نقدم معاريض=قدام والدنيا على الله عوضها
مافيه لا رحمه ولا فيه تخفيض=علي كية نار واعرف نجضها
حتى يفرق سود الايام والبيض=تبعد مجمعت الحكي عن بعضها
وياللي بكم شده وروسٍ مهاويض=جرب طويلات المعارك وخضها
نايف بن مياس

صح لسانك يابن ميّاس ولاهنت
قصيده جزله ووافيه
تحيتي