سدحان

المشاركة الأصلية كتبت بواسطة بن سدحان

ولعلي لم أغبط الشعراء يوما على شاعريتهم سوى في مثل هذه المواقف ..

لكن أبياتا في الرثاء أستحسنتها لأبي الحسين التهامي
لم أرى لها متصفحا سوى هذا المتصفح ..
ولا ارى لها أوان سوى هذا الأوان

كلمات تنم عن الوفاء والسمو , غير مستغربه منك يا بن سدحان ,
وشكرا لك على اطلاعنا على قصيدة التهامي المؤثرة والوافيه و الزاخره بالصور الجميله والحكم البليغه و من اجمل ما فيها ايضا :
يا كوكبا ما كان اقصر عمره *** و كذا تكون كواكب الأسحارِ
جاورتُ أعدائي و جاور ربه *** شتان بين جواره و جواري .
شكرا لك ايضا على اتحافنا بقصيدة الغالي عبدالعزيز سميح و بلغه سلامي وافتخاري به .

يقول الشاعر عبدالعزيز بن سميح بن سدحان

في مجاراه للشاعر عبدالعزيز بن راشد بن سدحان

************

والله يابوعاصم من الصبر مليت
معاد عندي للصبر معنويه

من كثر ضيقي يابن الاجواد صديت
الله وكيلك يالهموم الشقيه

لو كان تنشدني عن الناس ماوحيت
همي كبير ويشهد الله عليه

العين تذرف دمعها والتناهيت
زادت عليه والمواجع قويه

كم ليلتن مرت وانا اقول ياليت
لكن ماهي في يدي المنيه

الله يرحم طيب الفعل والصيت
راع المواقف والعلوم النقيه

رجلن معاريفه على الحي والميت
سدحان ياراع الوفاء والحميه

مع العرب ذكره إليا رحت وان جيت
ابو هلا يمنى الكفوف النديه

مرحوم ياللي للمراجل تقديت
بالواجبه ماينسبق في مجيه

طلق الحجاج ومن خيار الزناتيت
مقدرا عند الرجال الوفيه

يطري علي ذكره إليا صبحت وامسيت
عساه بالجنه حياته هنيه

بجاه الكريم وجاه صفوة هل البيت
محمد رسول الله خير البريه

صح لسانكم جميعا عبدالله راشد عبد العزيز سميح عبدالرحمن المرشد
والله يرحم ابو سلطان بواسع رحمته ويتغمده بعفوه
ابوسلطان فقيده الله يصبر اهله وذويه

شكرا للجميع

المشاركة الأصلية كتبت بواسطة سحاب الشمال

صح لسانكم جميعا عبدالله راشد عبد العزيز سميح عبدالرحمن المرشد
والله يرحم ابو سلطان بواسع رحمته ويتغمده بعفوه
ابوسلطان فقيده الله يصبر اهله وذويه

شكرا للجميع

صح بدنك يا غالي و كل عام وانتم بخير ..

صحت السنتكم
وغفر الله لفقيد الجميع عليه رضوان الله ورحمة
اشكرك بن سدحان على اضافة قصيدة عبدالعزيز سميح
وياليت تزودنا بقصيدة عبدالعزيز راشد لاهنت اخوي

المشاركة الأصلية كتبت بواسطة ابوحمد

صحت السنتكم
وغفر الله لفقيد الجميع عليه رضوان الله ورحمة
اشكرك بن سدحان على اضافة قصيدة عبدالعزيز سميح
وياليت تزودنا بقصيدة عبدالعزيز راشد لاهنت اخوي

صح بدنك يا غالي و كل عام وانتم بخير ,

صح لسانك يابو راشد ...
هذه ليست كلمات رثاء ولكنها دموع على وجنات الفقد ...
كنت على علم بهذه الحروف الكليمه ولكني كنت بعيدا عن النت ...
كان ابو سلطان من اصفيائي وخاصتي وكان رحيله مفاجئاً ودويّه ملجما ...
خانت الكلمات .. ولكن قد يكفيني انني صليت عليه ولمست نعشه ورايته يوارى .. لم اكن بعيدا وقت الفاجعه مما خففها !!!
رحمه الله وجعل الخير والبركه في ذريته ....
وشكرا اخي,,

المشاركة الأصلية كتبت بواسطة خلف الفريد

صح لسانك يابو راشد ...
هذه ليست كلمات رثاء ولكنها دموع على وجنات الفقد ...
كنت على علم بهذه الحروف الكليمه ولكني كنت بعيدا عن النت ...
كان ابو سلطان من اصفيائي وخاصتي وكان رحيله مفاجئاً ودويّه ملجما ...
خانت الكلمات .. ولكن قد يكفيني انني صليت عليه ولمست نعشه ورايته يوارى .. لم اكن بعيدا وقت الفاجعه مما خففها !!!
رحمه الله وجعل الخير والبركه في ذريته ....
وشكرا اخي,,

العزيز ابو عبدالعزيز ..
.

كم من خطيب مفوه عظيم ارتج عليه ولم تسعفه الكلمات , لأن الموقف عظيم والحزن موجع ومقلق ,
.
والطيب يا سندي خالد , واللي عندك معروف , لأنكم أهل فزعه و محبه من جدكم الأول .
.

قرأت قصيدة جميلة للشاعر المبدع محمد بن شعيبان وهي جواب على قصيدة رائعه للشاعر العلم سعد بن هذيل , أورد هنا قصيدة بن شعيبان لتطرقها لموضوعنا في هذا المتصفح :
.
.
بيت الشعر معروف ستره ارواقه *** و رمز الكرم نجر و معاميل و رفاف
.
معناك يا بن هذيل وسع نطاقه *** حتى يطيب القاف لمهندس القاف
.
موضوعك اللي قلت على سياقه *** يحق لي مارد ومصدر وميقاف
.
الحاصل الطاروق عندي غلاقه *** بيت على بالي له ايام يطاف
.
يا مل قلبن وارد الهم ساقه *** سوق الخيال اللي لبرقه ترفراف
.
على الرفيق اللي صعيبن فراقه *** سدحان بن سدحان معدوم الأوصاف
.
نعم الرفيق اللي يشرف نطاقه *** الكل علم يرفع الراس ميلاف
.
غير الوفا ما فيه موضوع شاقه *** دايم على الجزله شفوقن ومزهاف
.
كنت احسبن ما لي على الصبر طاقه *** بعده لكن الله رحوم ورواف
.
.
.

صح لسان الشاعر ابو نواف

ويسلم راس الناقل


واللهِ مانسيناه


اللهم أجعل قبره روضة من رياض الجنة ,, وبدل سيئاتة حسنات